[vova]

انا راي ان الموضوع اصلا مش مستاهل يعني زي ما في ستات متهورين جدا

في رجاله متهورين جداااااااااا

وزي ما في ستات يغيظو في بطئهم في السواقه بردو في رجاله كتير كده

بالعكس في ستات كتير سواقتهم احسن من رجاله كتير والعكس بردو

يعني في راي الموضوع مش مرتبط براجل او ست

الكلام ده موجود عندناهنا وبس وبجد بطريقه صعبه وفي رجاله بيتعملو بكل قله زوق لمجرد انهم يشوفو واحده سايقه عربيه


انا مره واحد خبطلي العربيه علشان مكنش عارف يعديني ويطلع مني

خبطني وعدي

يعني في الاخر معرفش يعدي وخبطني اظن ان لو ست مكنتش هتعمل كده ابدا

وغير كده ان في 70 % من السواقين الرجاله تلاقيهم راكبين عربيات فاخمه جدا

وناس محترمه

وبمجرد ما يشوف واحده سايقه عربيه قدامه يقعد يشتم بكل قله زوق

والله اوقات كتير بيبقوا سواقين الميكروباصات عندهم زوق عن اصحاب العربيات الفاخمه

وبالنسبه لهتعمل ايه لو خبطتك واحده ست

فحضرتك انت كده ولا كده بتتعمل مع الستات زي ما بتتعامل مع اراجل

يعني الراجل اللي هيكون مهذب لما راجل يغبطه بردو هيكون مهذب لما ست تغبطه

والراجل اللي مش بيبقي مهذب لما راجل يغبطه هيكون غير مهذب اكتر مع الست يعني ده ما هيصدق انه تغبطه واحده علشان يقعد يلعن الستات وسواقتهم

يعني بمعني اصح كده

الراجل اللي بيقول سواقه الستات وحشه يبقي مجرد انسان معقد نفسيا مش اكتر