المشاركة الأصلية كتبت بواسطة haninatoon
هى الصراحة وجهة نظر تحترم بس انا ليا اضافة صغيرة
وهى ان البطارية الجافة لو شرحتها حتلاقيها معزولة حرارى زى سخان الكهرباء بالظبط ومش باين غير الاقطاب بس
لان الصانع عارف ان انت مش حتفتحها خالص
لان مالهوش لازمة تفتحها
ومن هنا بقى انا معاك فى نقطة كفاءة البطارية واللتى بتعتمد على اشياء كثيرة ومنها عزل البطارية الحرارى نظرا لتاثير الحرارة على البطارية الجافة
على شان كدة بطارية جافة غالية احسن من بطارية جافة مش ماركة ورخيصة
|
الاختلاف فى الراى لايفسد للود قضيه
شرفتنى بمرورك
هرد على كلام حضرتك بدليل هو ان السخان الكهرباء اللى فى البيت لما بيفصل نتيجه انه سخن المياه خلاص ، بعد ساعه او ساعتين بتلاقى الميه بردت والسخان رجع يشتغل من تانى ، بالرغم من ان حضرتك بتقول ان معزول تماما
اذن الميه سقعت منين ؟
رأييى الشخصى مهمما كان العزل مش هيكون محكم بنسبه 100 %
بالنسبه لكلام حضرتك عن ان يستحسن شراء الحاجه الغاليه والمعتمده
فأنا متفق مع حضرتك تماما لان الغالى تمنه فيه سواء كان بطاريه او بيجوهات او حتى فلتر
شرفتنى مره تانيه بمرورك الكريم