رد: اعتقال المجاهرين بالافطار فى نهار رمضان
طبعا انا باشكر الدكتور احمد واخى العزيز اسلام جلال على الحوار الممتع ده
انا لما سألت كنت اقصد ايهم اولى فى التطبيق شرع الله ام القانون الوضعى ام مراعاة الاخلاق
وهل من حق القانون تطبيق جزء فقط من شرع الله وترك اجزاء كثيرة منه
وهل لو طبق القانون فيما يتماشى مع الدين اجاهر فى الناس مطالبا اياهم بالتمسك بالحياء بما يعنى الاخلاق
يعنى من الاخر باتهمهم بانهم لا حياء لهم - لانهم معارضين القانون اللى تماشى مع الدين فى النقطة دى
طب ما فيه حاجات كتيرة قوى فى القانون مخالفة للدين والاخلاق وبتتطبق بدلا منهم اشمعنى دى
زاى عقوبة السارق والزانى فى الدين والقانون
يبقى لو هاطبق الدين يبقى فى كل الامور مش على مزاج حد اخد حتة واسيب التانية
ولو هاطبق القانون - يبقى ماجيش اتمحك فى الدين - لانه فعلا لايوجد نص فى القانون يبيح حبس المجاهر بالافطار
وفى جميع الاحوال الاخلاق بتحكمنا وانا فى وجهة نظرى الاخلاق تختلف عن ا العرف
فالاخلاق هى مافطر الله الانسان عليها وان تجاوزها صارت اخلاق الانسان سئية او مذمومة
اما العرف فهو ماتعارف عليه الناس وصار اشبه بالقانون ولكل مجتمع العرف الخاص به كما وضح اخى اسلام
واخيرا الاختلاف فى الرأى لا يفسد للود قضية
__________________
عجبي علي العجب العجيب العجاب
لما الحقيقة تطل بعد احتجاب
و تروح و تحلا وفجأة تصبح مفيش
كمثل طراطيش بحر ياما خد و جاب
عجبى !!( صلاح جاهين )
|