البروتون مش افضل كجودة بس ده افضل كقيمة باعتبار تصميمها هندسياً وشكلياً والكماليات المحترمة جداً والادمية الى بتنزل فيها ووسائل الامان وكأداء كمان
وعلى فكره حاجة البروتون متوفره سواء الجين تو او البيرسونا او الوجا وبره التوكيل كمان
انا شايف ان البروتون متخوفش خالص بالعكس تطمن لانها عربيه اثبتت وجودها فى الشارع دلوقتى لاكتر من 6 سنين ومفيش منها اى مشاكل خطيرة
حتى موضوع اعادة البيع ده مش بالصعوبه اللى الناس متخيلاها بالعكس عادى مطلوبه وفيه ناس بتدور عليها ولما تبقى جايبها بحاجة وتمانين زيرو وتخسر فيها عشرين او حاجة وعشرين الف بعد 5 سنين طبيعى مش كتير
اذا قارنا مثلا بعربيات اوروبى كتير زى الميجان او الستروين هتلاقى اللى جابها خسر اكتر بكتير
وهنورح بعيد ليه شوف الاوبترا كانت بتتباع اغلى منها فى 2006-2007-2008 وبتتباع دلوقتى بنفس سعر الجين تو مستعملة
عموماً اقراء عن العربيه كويس وراجع كل البدائل واستخير وتوكل على الله
ومبروك مقدماً