[Ahmed1977egypt]

السلام عليكم
انا عايز اشترى عربية جديدة ومحتار - وانا حبيت اللوجان من الكلام عليها - زى عاليا عن الارض وعفشتها ممتازة ووسعه من جوه وشنطة كبيرة وتكييف كويس وتوكيل ممتاز وثبته على الارض وعزل كبينة ممتاز واير باج للسائق وصوت الكاسيت العالى وصاج قوى ومستوى درجة الامان 3 من 5 وكمبيوتر الرحلات - بث طبعا اليي خوفنى منها اسمع انقطع غيارها غير موجوده فى باقة المحافظات ومين هيفهم فيها لو حصل حاجة مع غلوها فى التوكيل - وانا لالحظت حاجة انى مشوفت ولا عربية لوجان الا عربيتين بس (فى الزقازيق شرقية) يعنى محدش بيجبها ليه اكيد فى سبب - وكلمت واحد على المنتدى كان من ملاكها سابقا بينصحنى ابعد عنها او لو مصمم اشترى منها مستعمل ولم يوضح لى السبب الا انه قال رايح جى على التوكيل - مع العلم ان ملاكها الحاليين يدافعون عنها بشدة (ما عدا اصحاب الاتومانيك منهم) - وانا شايف بالنسبة للعيوب المذكوره عليها زى ( مكان التلكس ومكان زراير الشباك وصوت المحرك العالى لأنه على جنزير وليس سير والدرج الصغير للتخزين وفتح غطاء البنزين اليدوى....) ده كلام فاضى جدا - وحتى عيب السخون تحت دواسة البنزين التى يتم علاجها فى التوكيل فى مرة او مرتين طالما حلت خلاص اول متجبها روح لتوكيل - يعنى العيب الاساسى قطع الغيار وصيانتها مقابل الجودة ، وفين العربية اليي تعوض عن الحجات اليي فيها - لانوس فيرنا افيو ساجا - ولا لازم الواحد ما يفكرش الا فى فئة اعلا بكتير النترا مثلا - صراحة اكيد فى سبب لعدم انتشار العربية بث انا شيفها فيها مميزات غير متوفرة فى عربية تانية لدرجة بقول اشترى مستعمل منها علشان ابعها لو طلعت وحشة ومخسرش كتير ولا ايه رئيكم