[سيف الدين سعيد]

المشاركة الأصلية كتبت بواسطة سيف الدين سعيد وبكل أمانه برضو مش لازم نجحف الـ BYD لأنها سياره ممتازه وتكاد تكون نفس المستوى فى الصين أنما لما اتجمعت هنا فى مصر بقت زى اسبيرانزا وانا عايز اقول ان تابلوه الـJAC يشبه الى حد كبير تابلوه المتسوبيشى ولكن فرق الخامات أعلى وخاصة فى الأجزاء التى يتم تصنيعها هنا فى مصر زى الكاوتشوك والفرش وطبعا زى ما قال أخونا الدكتور كمال العيوب الواضحه فى التجميع والتشطيب . وفى رأيى الخاص وعن تجربه لأنى تعاملت مع اسبيرانزا A113 مع العلم انها كانت من ثالث دفعه تم تسليمها من النوع ده من اسبيرانزا وكانت تقفيل بلادها برضو . ان الـ A113 عربيه ممتازه فعلا ومليانه اوبشنات عدا الفتيس وفتحة السقف . الا انها عربيه قويه جدا وعزمها ممتاز على الطريق مع اتزانها الرائع على الطريق . الا انها حاليا وبعد ما ابو الفتوح جمعها هنا فى مصر . مستواها انخفض وأصبحت الشكوى منها كبيره زى الـ 516 .

وبالنسبه لموضوع النقل والأوتوبيسات ففعلا شركة JAC على مر تاريخها الطويل كانت متخصصه فى صناعة وسائل النقل والمعدات الثقيله كالأوناش والحفارات وسيارات النقل الثقيل . وصناعة سيارات الركوب هى صناعه حديثه نسبيا لم تتعدى عدة سنوات ولكنها فى هذه الفتره البسيطه أصبحت من السيارات المطلوبه والمفضله فى الصين كما تنوع انتاجها حيث صنعت الكثير من الموديلات ومنها ما لم يصل مصر بعد . كما صنعت سيارات الإسعاف وسيارات الشرطه ..إلخ
ومن هنا أعتقد ان توكيل الجاك القديم فى مصر لا علاقه له بتوكيل سيارات الركوب الحديث .