[Vanditta]

السلام عليكم ورحمة الله وبركاتة

المشكلة كانت كاللأتى :

قربة المياة كل ما اظبط مستوى المياة فيها على max واجى اكشف على المياة بعد يوم مثلا الاقى القربة مليانة على اخرها والردياتير فاضى بنفس نسبة المياة اللى اتملت فى القربة فوق علامة ال max
وقبل ما ادور العربية بلاقى الخرطوم الكبير اللى طالع من الردياتير على الموتور مشفوط لجوة

وعملت موضوع سئلت فية عن المشكلة دى
http://masrmotors.com/vb/showthread.php?t=93528
وعرفت ان العيب دة بنسبة كبيرة سببة غطا الردياتير
مع انى كنت شارى غطا جديد وشكلة سليم تماما مافيهوش اى مشاكل
واللى اقنعنى انى اغير الغطا اللى لسة شارية هى المشاركة دى للاستاذ الفاضل borio 1704

اقتباس:
المشاركة الأصلية كتبت بواسطة Vanditta
انا كنت اقصد الخرطوم الكبير اللى خارج من الردياتير وراكب فى كوعة المياة فى الموتور
هو دة اللى بيبقى مشفوط وناشف
حضرتك تقصد دة ولا تقصد الخرطوم الرفيع اللى من الردياتير للقربة ؟!

أنا كنت أقصد الخرطوم الرفيع

إنما إذا كان قصدك على الخرطوم الكبير... فواضح إن المشكلة في غطاء الرادياتير... لإنه بيسمح إن المية تطلع بس مش بيخليها ترجع.

حلك بسيط
اتأكد إن الغطاء الصغير اللي في غطاء الرادياتير من تحت حر الحركة... مش لازق فيه... عشان هو ده اللي بيخلي المية ترجع تاني.

هتلاقيه في الصورة دي إسمه (Vacuum Relief Valve)



ولو عايز تريح دماغك... اشتري غطاء جديد... بس اتأكد إن الضغط اللي مكتوب عليه زي اللي مكتوب على الغطاء الأصلي (تقريبا 0.9 بار)


وفعلا شيكت على الغطا عندى لقيت غطا ال vacuum relief دة لازق ومش حر فى حركتة

فروحت اشترى غطا جديد مالقيتش ولا نوع نضيف كولو صينى وب 10 جنية وشكلة زبالة
المهم لاقيت واحد ب 25 جنية والراجل بيقول علية كورى ومكتوب علية هيونداى اكسيل وشكلة انضف شوية من الصينى
المهم قبل ما اشترية اتأكدت ان غطا ال vacuum relief حر الحركة بيطلع وينزل
وركبتة والحمد لله المشكلة اختفت تماما ومنسوب المياة بقى مظبوط فى القربة والردياتير


فقولت انقل التجربة دى يمكن حد بتواجهة نفس المشكلة ويستفيد منها
وكنت عايز اوجة شكر خاص للاساتذة

borio 1704
, محمد صلاح القاضى , cars admire , aimooo