مشكله فى الفتيس الاتوماتيك
ياجماعة الخير عندى مشكلة فى الفتيس الاتوماتيك محيرانى
لماباطلع بالعربية بيطلع عادى وبينقل من الاول لغاية الرابع كويس ومافيش حاجة غير طبيعية - لكن لما بامشى بالعربيه شويه واوصل مثلا لغاية الـ 80 او الـ100 الفتيس ينقل للثالث وعداد الـRPM يعلا ويوصل لغاية بعد 4.5 وتفضل العربية ماشية على التالت مهما زودت السرعة ولو نقصت السرعة ترجع للتانى بس وتفضل العربية ماشية على الغيار التانى او الثالث فقط حتى لو وقفت خالص وجيت طالع برضو تطلع على التانى . لازم اطفى العربية خالص وادورها من اول وجديد علشان تطلع على الاول وتيتدى تنقل عادى لغاية لما توصل الرابع وشوية كده ترجع للتالت من جديد . مع العلم انى مغير زيت الفتيس من حوالى 2000 كم بس
انا سالت اكتر من واحد نصحونى بتغيير فلتر البنزين او طلمبة البنزين وعملت كده فعلا لكن المشكله مازالت قائمة - اخرها الميكانيكى قاللى غير زيت الفتيس .
لو حد عنده حل او يعرف ايه السبب ياريت ينصحنى ويجزيه الله عنى خير الجزاء
ولكم الشكر
|