حتى الاغنيا من حقهم الاستفادة من الدعم على بنزين 92
-------------------------------------------------------------------
تخيل كده انك واحد ثرى ومعاك
ماشاء الله وروحت اشتريت عربيه زيرو بالقسط من ام خمسين ولا ستين الف جنية
خد بالك عربيتك ديه تمنها بره (ده اذا كان بره بيعتبروها عربيه اصلاً) لا يتعدى تمن جاموسة مثلاً ... اه والله سواء جديدة او مستعملة العربيات بره ارخص بكتيييييييير لكن الكتي
ر ده كله بيروح فى كرش الحكومة بحجة انها بتدعم البنزين اللى بتطفحة عربيتك يا ثرى يا للى معاك
وشارى عربيه يابن اللزينة انت
وطبعاً ملكش انك تطالب شوارع نضيفه ولا عواميد نور ولا تقول ان البلد فيها اكبر معدلات حوادث طرق بسبب الاهمال فى قطاع الطرق
المفروض بس تحمد ربنا على ان الحكومة بتدعم البنزين
طيب دلوقتى لما الحكومة تشيل الدعم عن البنزين
الثرى اللى زى حالتى ودفع فى العربيه ضعف تمنها ومخدش لا طرق ولا اى خدمة مقابل اللى هبشته الحكومة ادفع تانى ليه
انا نيابه عن الاثرياء الاغنياء ولاد اللزينة اطالب باسترداد قيمة الضرائب الباهظة والمخالفات والغرامات وخلافه طالما هيشيلو الدعم
ومش بس كده هطالب انى اشترى عربيه جديدة باسعار جديدة زى ما هى فى كل دول الدنيا
ومش بس كده بطرق نظيفة ونظم امان وسلامة على الطرق
وهدفع فى مقابل ده البنزين بقيمته والضرائب الطبيعية وده حق الله اللى عارفه الكفره قبل المسلمين غير كده تبقى نصب علنى وبلطجة