[accountant85]

حان وقت الصيانة ......fficeffice" />
طبعاً كلنا بنشتكي من التوكيل الرهيب عز العرب في الصيانة خصوصاً للبروتون - انا اتصلت بعز العرب علشان احجز لصيانة ال 60 الف كم للبيرسونا و اعرف تكلفتها كام و كمان ايه الحاجات اللي هتتغير فيها.
وكان معايا جدول نازل من عز العرب فيه الصيانة طبعاً كلنا عارفينة كانت الصيانة هتتكلف 1836 ج
ولما اتصلت بالتوكيل قالولي منعرفش الصيانة هتتكلف كام بس خد رقم الموبايل ده اتصل علية بكرة لان الانسة اللي معاها الرقم دة اجازة النهاردة - طبعاً و لاكأنك بتتعامل مع كشك ام محمد - المهم اتصلت بيها وردت عليه وقالتلي تقريباً يا هتكون around 2000 جم طبعا موضحتش ايه الحاجات اللي هتتعمل فيها ( الكلام دة كان يوم اربعاء ) قولتلها طيب احجزيلي يوم السبت اللي جاي قالتلي لا مش هينفع اول يوم فاضي هو السبت اللي بعده ، قولتلها شكراً و قفلت التليفون طبعا لآني كنت محتاج اخلص العربية علشان اسافر.
كلمت مركز اوتو ماجد ---- قاللي الصيانة هتتكلف 2200 ج
بصراحة انا خدت قرار و قلت طالما ان العربية برة الضمان يبقي خلاص الحاجات المهمة هعملها جوة التوكيل و الحاجات اللي مش مهمة هعملها برة
و اليكم الحاجان اللي اتعملت جوة ( مركز عز العجوزة كلمتهم في نفس اليوم الاربعاء و حجزت ليوم السبت الساعة 9 صباحاً )
ورحت في الموعد المحدد و تم استلام العربية الساعة 9.30 ص
المهم انا غيرت عندهم الاتي :
1. فلتر بنزين
2. سير كاتينة.
3. بلية كاتينة.
4. سير الادارة ( دينامو - تكييف )
5. تربيط العفشة ( فوق البيعة )
وكانت تكلفتهم : 1300 جم
- وبالنسبة لقطع الغيار اللي برة هي :-
1. غيار زيت توتال 5000 كم في بنزينة توتال ( هو هو نفس الزيت اللي فالتوكيل )
2. فلتر الزيت
3. طقم بوجيهات NGK ياباني ( زي اللي مفكوك من العربية بالظبط واللي متغير في صيانة 40 الف كم - واحد شمعة ).
4. فلتر هواء.
وكانت تكلفتهم : بالمصنعيات 260 ج

إجمالي المدفوع = 1300 + 260 = 1560 جم
اتمني مكنش طولت عليكم ولكني حبيت اشارك فالمنتدي الرائع ده

تقبلوا تحياتي ،،،،،