المشاركة الأصلية كتبت بواسطة Ayman_Nazeih
مشكوووور على المجهود الرائع ده
وربنا يعترك فى عربية حلوه وبنت حلال إن شاء الله
بس انا عايز اسألك سؤال....هو انت زعلان على عربيتك ال BMW اللى بعتها ولا ارتحت منها ومن مشاكلها؟
تقبل مرورى.....تحياتى
|
أولاً بشكرك على الدعوة الحلوة
ثانياً بخصوص BMW فأنا فعلان زعلان عليها وفرحان فى نفس الوقت ... زعلان لأن التقل اللى فى الصاج وفى العربية والوسع بتاعها لأيعوض ولأ يقارن مع العربيات الورق الجديدة اللى مالية السوق وباسعار فلكية , وفرحان بصراحة انى خلصت منها لأنها كانت عاوزة تتهد من الأول للأخر وتتبنى من جديد يعنى بصراحة ماينفعش تشيل حاجة وتسيب حاجة لأ لأزم تشيل الموتور القديم وتحط موتور جديد ستة سليندر وتجيب عفشة ستة سليندر وتجيب بادى كيت جديد وكراسى جديدة وترشها رشة محترمة وتركب تكيف محترم .. ساعتها هتقدر تقول أنا راكب بى أم دبليو . بس الحاجات دي مش هاتتعمل بالساهل وعاوزة فـــــــــ
وقبل الفلوس عاوزة طولة بال فى اللف والدوران للسؤال عن الأسعار وأختيار أفضلها ثم صنيعي كويس ابن حلال يركب ويظبط الحاجات دي كلها , وأعتقد ان النقطة الأخيرة دي مش هتلأقيها فى مصر خالص فلازم هتستحمل غلأستهم ورخمتهم وكمان أستعباطهم ليك وهما بيسرقوك عينى عينك ...
فهمت بقى أنا ليه زعلأن وفرحان فى نفس الوقت على البى أم !!!!!!!!!!!!!!!!!!!!!!!