المشاركة الأصلية كتبت بواسطة Hisham.Elgazzar
وكمان طقم بوجيهات
وطقم سلك بوجيهات
وابلاتين وكوندينسر
واتنين استبن
واتنين شنبر داخلى
وكام مسمار عجل
وبليتين عجل امامى
وعلبة شحم
وانبوبتين ارالديت
وكام كوعه ميه كاوتش وألمونيوم
وكتاوت مروحة تبريد
وممكن كمان مروحة إحتياطى
|
اولا الف شكر للرد السريع ده
بس انا عايز اقول حاجة ان الحاجات دى كلها تمام عندى يعنى انا لازم اخد الحاجات دى كلها معايا
ده لو كده يبقى اسافر قطر واريح دماغى
انا قصدى هى العربية لو كل الحاجات دى متظبطة فيها يعنى انا عندى الحمد لله العجل زى الفل والماتور تمام والسوخنية زى الفل مبتوصلش لـــ 90 والسحب تمام 140/150 والعفشة لسة مظبتها من حوالى شهر وانا بستعمل زيت ماتور نوع شل اصفر بيمشى معايا حوالى 4000 كم والكهرباء تمام لانى غيرت الضفيرة كاملة وعملت عمرة كهرباء وفرامل من اول ما اشتريت العربية والريدادير مبينقص ميه غير كل اسبوعين شوية صغيرة .
فقصدى انى كده العربية تقدر تستحمل مشوار السفر ده من غير ما اخد الحاجات دى معايا يعنى انا كان قصدى اعمل حسابى فى جركن بنزين وبس ولو فى حاجة تانية اشيك عليها هنا قبل ما اسافر فهل فى حاجة تانية غير الى ذكرتها اكون نسيها .
وعلى فكرة كمان انا عندى الشكمان مخروم من تحت فهل ده يأثر فى حاجة
والف شكر ليكم مرة تانية