المشاركة الأصلية كتبت بواسطة mesho90
والله يا باشا مش عارف ممكن تبقي المعلومة عندي غلط انت متاكد من العلومة
|
يا ميشو المعلومات عندك مش غلط لكن مبالغ فيها , السيارة تصميم مغربيى بالفعل .
لكن دى مش صناعة سيارات حقيقية , دة مجرد تطوير اتعمل لسيارة لمبورجينى بفلوس صاحب المشروع , يعنى مش صناعة سيارت قائمة على خبرات مغربية اصلية .
يعنى حتلاقى الموتور مثلا مستورد و كذلك الجير بوكس , و كذلك شاسية السيارة و اجهزة التعليق .
يعنى هى فى الاخر زى التجميع بس فى هيكل مختلف شوية لزوم التجديد .
و اساسا السيارات الرياضية دى مكلفة جدا , و بيكون فيها اجزاء كتير صناعة يدوية محتاجة خبرة عالية جدا "اتفرج على مصنع فيرارى شغال ازى ,عشان تفهم كلامى "
يبقى مش معقولة المغرب بين يوم و ليلة كدة بقيت عملاق فى عالم السيارات و بتصنع سيارات رياضية , الموضوع مش بالسهولة دى ولا بالبساطة دى و فى الاخر السيارت دى لا تهم اى حد فى شىء لان سعرها غالى جدا .
الصناعة الحقيقية تصميم و تصنيع سيارت شعبية ذات انتاج تجارى باعداد كبيرة , هو دة التحتدى الحقيقى ,و هو دة اللى محتاجينة فى مصر و عندنا كتير من مقوماتة .