رد: اسماء وتليفونات موزعين فيات
االتوكيل محترم جدا
بس نقصه شوية رتوش
انه يهتم بتصليح العربية من كل جهة بشكل نضيف و ميخليش صاحب اي عربية فيات يحتاج يروح لميكانيكي او سمكري او عفشجي برة
هم صراحة ممتازين في الميكانيكا عمرك ما هتشتكي منهم
انما لو حصل حاجة في الصاح لا قدر الله منصحكش تروح تصلحه هناك
هيغلبوك و يدفعوك دم قلبك و هتروح كذا مرة و في الاخر مش هتاخد نتيجة كويسة رغم انك ممكن تعمل شغل السمكرة ده عند اي سمكري شاطر في يوم واحد لو هو حاجة بسيطة و تطلع مبسوط جدا من عنده و دافع حاجة بسيطة
و نقطة تانية خاصة باسعار قطع الغيار
غالية نااااااااااار رغم ان الخامات مش رهيبة يعني
يعني مثلا تمن فانوس امامي لبونتو كلاسيك يمين او شمال ب 925 جنيه و 1015 تقريبا بضريبة المبيعات و صدقوني هو و فنوس اللانوس تقريبا نفس الخامات و فانوس اللانوس اعتقد انه ب 500 جنيه دلوقتى ان مكنش اقل شوية
و هكذا في باقي قطع الغيار
و نقطة اخيرة انه غير مهتم بالاعلان عن عربياته نهائيا بالكتير اوي تشوف اعلان في الشارع و انت ماشي و كل فين و فين لما تلاقي واحد و التليفزيون متبري من اعلاناتهم تقريبا
مشفتش اعلان واحد لفيات في التليفزيون ولو حتى عن فيات 128
فا التوكيل عايز ادارة احسن من كده و تدبر افضل عشان الناس تطمن للعربيات الفيات و تشتري من غير ما تقلق
ايه اكتر من ان الناس بتشتري كوري من غير قلق في حين انهم بيشتروا ايطالي و هم سائلين مليون مرة قبلها و قلقانين و بيدعو ان انهم ميكونش اضحك عليهم في شراء العربية الفيات
حاجة تضحك و الله
|