المشاركة الأصلية كتبت بواسطة 3bdo
يسلام عليك يا باشا ربنا يديك على اد نيتك
انت ممكن تعمل يافطة قبل المطب مكتوب عليها ابتسم امامك مطب بعد 10 سم ههههههه وبعد المطب يافطة مكتوب عليها البس ههههههه
انا مش هقدر افيدك فى موضوع البوية بس انا راى تلون المطب بخطوط بيضة و عريضة وتكون بطول المطب
|
ههههههههههههههههههههههه حلوة فعلا هو دا اللى بيحصل للاسف
المشاركة الأصلية كتبت بواسطة screamseko
ربنا يباركلك ياباشمهندس ويجازيك خير
الحتة دي فعلا نزلة كوبري وبتاعة جري وفعلا لو مش حافظ مكان المطب لازم حتلبسه لانه الشارع عريض ويغري للجري
اتمني اشارك معاك في الموضوع ده يا هندسه انا في الخدمه اي وقت
|
الله يكرمك خلاص انا نويت بكره الفجر ان شاء الله
المشاركة الأصلية كتبت بواسطة yassinmatrix
انا في الأول أحب أحيي حضرتك على روحك دي .. ربنا يكرمك ويكتر من أمثالك .. قال صلى الله عليه وسلم " اماطة الأذى عن الطريق صدقة " .. فكونك تعمل حاجة زي دي ان شاء الله ربنا يجعلها في ميزان حسناتك ..
تاني حاجة بقى .. حضرتك احسن حاجة ممكن تعملها انك تدهن نص المطب بس ( مش نصه يعنى حارة او حارتين لأ نصه فى الاتجاه الأفقى ) بلونين أبيض و أصفر على شكل خطوط عريضة مايلة .. او ممكن تستغنى عن لون فيهم بحيث يبقى خطوط مايلة وفي بينها فراغات .. بالنسبة لهل هتبقى زيت ولا بلاستيك فمبقاش فى حد بيستخدم الزيت خلاص بِطل من زمان :D .. نادر قوي اللى بيعمله عشان تكلفته عالية وصعب فى عمله .. فحضرتك هتروح عند اي محل دهانات وهتجيب منه اللون الفسفورى اللى الاخوة قالو عليه ..
وقت الدهان بقى اهم حاجة تختار اقل وقت فيه عربيات عشان الاول هتضطر تكنس المكان اللى هتدهنه كويس الأول عشان متدهنش على التراب .. ولو حضرتك برضه تقدر تخلّص حارة حارة بحيث محدش يعدى غير لما الدهان يبدأ ينشف يبقى أفضل ..
مودتي
|
احييك يا باشا فعلا نصائح فى منتهى الاهمية
المشاركة الأصلية كتبت بواسطة M.TONSY
ايوة دى ايدولوجية الحكومة يا باشا فى التعامل مع المطبات بتعتمد على خبرات المواطنين فى اكل المطبات
بس جزاك الله خيرا وحضرتك ما تكلفش نفسك لان اعتقد الدهان الفسفورى غالى والحكومة بطلت تستخدمه فاحنا مش اغنى من الحكومة
لذلك اقترح على حضرتك دهانه بلاكيه أصفر بيثبت فى الاسفلت وبيستحمل الميه واهو احسن من ما فيش وربنا يكرمك ويبارك فى حضرتك
|
تصدق يا استاذ تونسى النهارده روحت لتوكيل يوتن عشان الفسفورى قالى بالظبط اللى حضرتك قولته
انه غالى و خليك فى اللاكيه
ان شاء الله حشترى لاكيه اصفر و ادهن بالعرض بكره الفجر
هو اللاكيه بياخد اد ايه عشان ينشف ؟
مشكلتى بفكر ازاى اوقف حارة انا عارف ان الفجر الطريق فاضى بس العربيات بتبقى طايرة
فكرت فى جردل عندى لونه احمر ححطه
فكرت احط عربيتى و اشغل انتظار
فكرت لو حد عنده اقماع هههههههههههههه يسلفنى