جودة الصوت ممتاز وبدون تشويش او زن
وهو جهاز عملى جدا
وتعتمد جودة الصوت على معدل الصوت اللى انت مسجله يعنى لايقل عن 128 kps وده للدروس والخطب
(192 kps جيد لسماع ا لقران الكريم بدون وش فى الصوت) و ( kps224 جيد جداو kps320 ممتازجد السماع الملفات الموسيقية بصوت نقى وممتاز جدا ووااضح)
كمان ياريت تقسيم الملفات فى فولدرات مختلفة ويكون معدل ضغط هذه الملفات يكون ثابت
داخل الفولدر الواحد وده مهم جدا علشان ثبات مستوى الصوت خلال الاستماع ميبقاش مرة عالى ومرة واطى وتقعد بقى كل شوية تعدل فوليم الصوت للراديو وانت ماشى بالسيارة
بس ماتسترخص عند الشراء للجهاز
احسن الانواع انفنيتى
واختار النوع اللى بيشغل فولدرات منفصلة وبه اكواليزر
ويظهر لك اسم الملف على شاشته
وتاكد من هذه الميزة حتى يمكنك التحكم فى الملفات
وانه يثبت اخر ملف كنت تستمع اليه
لان الانواع الرخيصة لاتفعل ذلك وكل ماتعيد تشغيل السيارة ترجع للاول
فيه انواع بتيجى معاه وصلات مختلفة لشحن مختلف الموبايلات
واخرى بتشغل ملفات الفيديو mp4
واخر به ريموت يركب على طارة الدركسيون ولا انصحك به
واخر به فتحة لتوصيل الموبايل لنقل ملفات الصوت من الموبايل
او الصوت من اى شاشة تركبها بالعربية لسماع الصوت من ملفات الافلام
من سماعات السيارة وليس من سماعات الشاشة الضعيفة وكانك فى سينما ههههههه
انا شخصيا عامل كده فى سيارتى ومركب هذا النوع لانه الافضل
لمن لديه شاشة عرض او تلفزيون سيارة ومركبه عندى فعلا على تلفزيون سيارتى
وكمان باشغل ملفات الصوت و الافلام على التلفزيون وتمن التفزيون 7 بوصة
330 جنيه من حوالى تمن شهور بالسويس تمنه دلوقتى 290
اكيد سعره ارخص بالعتبة بالقاهرة ومركب التلفزيون على الشماسة اليمين
وباشغل الجميع على مشترك ولاعة تمنه حوالى 15 جنيه
انا كنت شارى واحد من هذا النوع اى الترنسميترمن حوالى سنة بخمسين جنيه
لكن الاسعار تتحرك ولكن فى النازل
نسيت اقول لك ان جميع هذه الانواع ياتى معها ريموت
وبها فتحة لتركيب كارت ميمورى واخرى لتركيب فلاشة
واذا اشتريت فلاشة ياريت يكون حجمها اى جسمها وليست سعتها
يكون صغير يعنى طولها يكون قصير علشان ايدك لاتصطدم
بها وانت تقوم بغيارات عصا الفتيس منعا من تلف الفلاشة او الجهاز
كمان لوحبيت اشغل كارت ميمورى ياريت يكون من النوع
الميكرو الصغير الحجم ايضا ولكن باشترى ليه قارىء
usb بيكون على قد الميمرى بالضبط وبكده اركبه على فتحة الفلاشة
بالجهاز وبذلك يصبح كفلاشة تماما ولكن
اصغرمن اى فلاشة حقيقية وده اللى انا عامله بالضبط
وعند شراءهذا القاررىء وهو (بحجم عقلة الصباع) فهى لاتكاد تظهر على الترانسميتر
انصحك لازم تركب الميمرى به وتجربه على السيارة
قبل انصرافك من عند البائع لان بعض الانواع قد لايعمل
على الجهاز وذلك عن تجربة
وسعر هذا القارىء رخيص من تلاتة لخمسة جنيه
لاتفك او تركب الفلاشة او الكارت ميمورى والجهاز شغال
لازم يكون مطفى حتى لا يتلف الجهاز او الفلاشة او الميمورى
وكمان لاتفك او تركب الجهاز الترانسميتر وكونتاكت السيارة مفتوح لازم يكون مقفول يعنى الفك والتركيب للجهاز وملحقاته يكون كونتاكت السيارة مقفول
وده ينطبق ايضا على وصلة البور للشاشة او التلفزيون على الولاعة و عند فك او تركيب الفلاشة او الميمورى على الشاشة او التلفزيون منعا من التلف لازم كونتاكت
السيارة يكون مقفول
ارجو ان اكون افدتك
ودمتم بود وخير حال
