الفيرنا : قطع غيار رخيصة و ممكن تلاقيها عند البقال ... الصيانة كل ميكانيكية مصر شغالين فيها .... توفير البنزين من الناحية دي حط في بطنك بطيخة صيفي موفرة جدا ... الثبات لحد سرعة 120 الثبات حلو - 130 مقبول - 140 محتاجة شوماخر ... 150 اسمع مني هتبقى النعش الطائر .... السرعة فيها جراية جدا و بدرجة تخوفك لو كنت راكب حاجة من القديم ... السحب بتاعها 100 فل و 10
الجولييت الصراحة معنديش معلومات خالص عنها ... بس ناس كتير بتشكر فيها او بمعنى اصح كل اللي ركبوها بيشكروا فيها ... اعيدها كمان ( كل )
بيجو 206 : ربنا يسامحك لما تقارن عربية فرنسي بوحش حبشي زي الفيرنا ... العربيات الفرنسي اساسا اسمها عربيات بنت ناس قوي ... محتاجة قطع غيار اصلي على الرغم من وجود تقليد كتير بس برضوا غالي و الاصلي اغلى ... الصيانة بتاعتها محتاجة واحد بيفهم ... يعني دي محتاجة دكتور ميكانيكي ... الفيرنا مرتين قعدة مع الميكانيكي شكرا انت هتعرف تصلحها
