المشاركة الأصلية كتبت بواسطة Toyota Corolla
ألف شكر على النصائح ،،، و فعلا حصل معايا من سنة إن موتوسكل خبطلى على الزجاج و أنا ماشى فى روكسى و وقفتله و نزلت و عمل كأنه بيتخانق معايا و قالى أنت كسرت عليا و خبطتنى يا حج و أنت مش واخد بالك و أنا قاعد عمال أخبطلك على العربية كده (و خبط بإيده على العربية ثلاث مرات) و كل ده و أنا بره العربية و سايبها دايرة و قافل كل زجاج العربية عشان التكييف شغال و كنت ناسى الموبايل على الكرسى اللى جمبى المهم الراجل فى الأخر قالى خلاص يا عم أنا مسامحك و مش زعلان المهم ركبت العربية و روحت و طلعت البيت و مكنتش لسه أخدت بالى من الموبايل  و لما أخدت بالى نزلت العربية عشان أجيبه مالقتهوش و كان Nokia N95 و فى لحظة استوعبت الموقف و اللى حصل هو إن كان فى واحد مساعد للراجل اللى قعد يرغى معايا و فتح باب العربية من الناحية التانية فى نفس ذات اللحظة اللى كان الراجل بيخبط فيها على العربية ،،،، بس حمدت ربنا إنها جت عالموبايل عشان ده لو كان فى حتة مقطوعة كان زمانى أخدتلى مطوة  والعربية بح |
الحمد لله علي سلامتك واللي حصل يخليك تتعلم و المؤمن لايلدغ من جحر مرتين .. وزي ما اتفقنا كلنا (((((( مبدأ سلامتي وسلامة عربيتي والناس اللي معايا أولا)))))) وربنا يسترها علينا كلنا