المشاركة الأصلية كتبت بواسطة sam ram
هي العمليه معتمده اكتر على الهامر اكتر ما هي معتمده على العربيه اللي خبطتها سواء كانت لوجان او نوع تاني
اولا لأن الهامر اتخبطت من الجنب و العربيه التانيه خبطتها بالوش
وثانيا و ده الاهم و الاخطر ان الهامر عاليه عن الارض سواء كعفشه او ارتفاع كلي
ودي مشكله اغلب العربيات ال 4×4 .... لدرجه ان العربيه ممكن تتقلب لوحدها في ملف سريع
بالعكس كل ما العربيه كبرت وعليت عن الارض كل ما قلبها اسهل لأن مركز الثقل بتاعها بيعلا عن الارض
طيب الحمد لله ان الهامر سقفها قوي و استحمل وزن العربيه لما اتقلبت
كان فيه في التسعينات كارثتين من فورد اسمهم اكسبيديشن واكسبلورر كان السقف بيتطبق اول ما العربيه تنقلب و عمل كوارث
حضرتك بس ادخل على اليوتيوب و اكتب Ford rollover
واتفرج على اروع مشاهد الحوادث السينمائيه لاعظم مخرجين الاكشن
فالعبره مش بالحجم
ومشكور على الفيديو ... واللوجان تكسب برضو ...  |
تحليل منطقي جدا جدا.
ودا الي بيخليني اسال ايه السبب من اقتناء شاب صغير في السن مثلا وعازب لعربية دفع رباعي.
انا مش شايف اي فايدة العربيات كبيرة دي اكتر من انها عربية فان اه عربية فان تاخدها الاسرة الكريمة ويروحوا المول يشتروه كله ويروحوا او نروح بيه رحلة للشط ونعمل حفلة شوي مثلا علشان تشيل كل الامتعة.
اصلك ايه الي هيخليك تجيب عربية بتمشي في الرملة لو انتا ساكن في مدينة وشغلك في المدينة وكل الطرق متسفلتة وزي الف انا مش عارف والله.
ياراجل دا انا لو عايز ارح الصحراء استجم هركن علي الاسفلت وانزل انصب خيمتي ورا التل.
كل شيئ يهون بس ابقي راكب عربية واطية متنزنة تجميعها سريع تتوافر فيها عوامل الامان ليا ولعيلتي مش لو جيت اخد بيها ملف اتقلب.
مش لو حبيت افادي حاجة في الطريق اتمطوح يمين وشمال.
حد يقدر يقولي سبب ظهور عربية زي الاف جي مثلا.
عربية سبور دفع رباعي ازاااااااي ياعني مش فاهم.