كلام عن m11, m12
السلام عليكم و رحمه الله و بركاته
جبت عربية m12 قريب جداً و التوكيل قالي ان العربية مش على كرتات و ده طبعا مختلف عن العربيات الجديدة الفي السوق و هي على فيوزات و من خبرتي الضعيفة في العربيات اعتقد ان ده احسن عشان الكرتات اعطلها وحشة أوي و كمان أصلحه مكلف جداً فأية رايكم في الموضوع ده ؟
الحاجة التانية سمعتها و انا برخص العربية من مندوب معرض كان جي يرخص لواحد النترا قالي العربية كويسة جداً بس لو حصل حاجة لا قدر الله روح التوكيل احسن عشان العربية كلها حساسات و ليس على اسلاك , فأيه رايكم في الموضوع ده برده؟
طبعاً انا قبل ما اشتري العربية غرقت في المنتدى و في أراء الأعضاء في العربية سواء m11 or m12 و لقات ناس بتشكر و لقيت القليل البيذم فيها و مع بعض الرسائل الخاصة مع احد ملاك العربية و شكرلي فيها جداً و كمان بصراحة لقيت ان العربية دلوقتي عاملة زي الدايو اول ما نزل كان الكل خايف منها و لكن دلوقتي اناس تشتري لانوس دايو ولا تشتري لانوس شيفرولية و الخلاني اجبها برده الوكيل محترم و ليه اسمة في صناعة السيارات بمصر .
ياريت ملاك العربية يقولولنا ايه اخبار العربية معاهم بعد فتره طويلة من الاستخدام عشان الكل يستفيد .
|