انهارده بليل اتشرفت بمقابلة واحد صاحبي معاه شيري ايه 15 بقالها سنة و نص
فبقوله اخبارها ايه قالي زي الفل مفيش اي شكوة من اي حاجة
المهم قولتله هجربها عشان اعملها تقييم فوافق
اولا الشكل
تحس انها كلاسيك عايزين يخلوه روش
يعني هي مش حلوة اوي ولا وحشة اوي في الشكل الخارجي
الصالون
وااااااسع جدا قعدت ورا و قدام مستريح مع اني طويل 183 سم
و ركبنا خمسة كانت معقولة بردو
و الكماليات روعة
تكيف جامد
حامل اكواب بيطلع كده زي السي دي روم
4 زجاج كهربي
سنتر لوك
و العدادات لونا اخضر جميل
و وضعية الكراسي مريحة و التنجيد حلو بس ناشف شوية
و التابلوه لونه هادي
الشنطة
كبيرة جدا و بتتفتح مع الزجاج اللي ورا
لدرجة اني قاعدت فيها و انا مربع رجلي
الموتور 1600 سي سي 98 حصان
سحبه عالي و رهيب في الشد لحد التالت
شدينا بيها جبنا 110 علي التالت كانت زي الطيارة بس صوتها علي طبعا و بيخوف اوي
و في العادي الموتور ليه صوت كده زنة بس مش مزعجة
بس مش هادي يعني
التعليق ناعم و العربية عالية مستحيل تاكل مطب و الفرامل ياعيني عليها و علي ABS بتاعها بيوقفها فعلا في وقت قياسي و مش بيعمل صوت تخبيط زي الاسبيرانزا
الثبات
جربنا نوعين من الثبات
1- في الطريق المستقيم : جبنا بيها 180 و صاحبي كان هيجيب اكتر بس الكرسي اللي كنت قاعد عليه اتبل من الخوف
و كان الثبات حلو بجد حلو يعني مبتحسش بان العربية خفيفة اوي
2-في المنجنيات خادنا منحني جامد جدا علي 90 و العربية معومتش و كانت زي الفل مع اني كنت متوقع انها هتتقلب علي طول
في ايه تاني ...........اه...صاحبي اشتراها كاملة مكملة ب 70000
التوكيل كويس
بس يعيبه قطع الغيار غالية حبتين عن الفيرنا و الانوس
اه صاج العربية قوي علي فكرة مش ورق خالص
الكاسيت سي دي و السماعات حلوة بس فيه حاجة غريبة الراديو بتاعه مش بيجيب موجة ال fm مش عارف ليه
يعني هي باختصار عربية حلوة بس ماخديتش حقها زي a11 و الاسبيرانزا رغم ان تقفيلها نضيف اوي و تعتبر متطورة نسبيا عن اختها ال a11
منقوووول مع شوية اضافات