المشاركة الأصلية كتبت بواسطة fineart607
قدر الله وما شاء فعل ربنا يعوض عليك ان شاء الله والمهم انك كويس
واعتقد الصح انك تصلحها وبعدين تبعها ان شاء الله ربنا يبدلك خير منها
معلش ممكن توضح ملابسات الحادث طبعا كله قدر الله
.بس كنت عايز اعرف السيارة ادائها كان ايه لانك علقت ب(استحاة اركبها تانى )
|
الحمد لله على كل شئ... وشكرا جددا ليكم كلكم....انا بصراحة مش قادر اقرر اصلحها ولا لا... بس المشكلة انى ماكونتش مأمن عليها
.
الحادث كان على الدائري بتاع الزراعى ,اكيد اللى طلع الدائري ده عارف هو قد ايه سئ ومفصلاته عاملة زى المطبات.. المهم انا خدت مفصلة من دول والكوتش اللى نحيتى انفجر فا العربية للاسف معرفتش اتحكم فيها فا اقعدت تلف منى ودخلت فى عربية كارو وفى الرصيف وده كان شكل العربية .
رأيي فى العربية بصراحة انا كنت بحبها جدا جدا بجد. عربية محترمة مشكلتها كانت انها خفيفة شوية يعنى ممكن تنط منك ولو معرفتش تتحكم فيها عليه العوض لكن انا مبتكلمش فى استابلتى لا استابلتى فى الجرى بصراحة عمرى ما كنت بخاف منها. العفشة شوية كانت ناشفة وبحس بكل حاجة فى الشارع مع العلم انها 17" مش 18".
ليه مش هركبها تانى.... بصراحة مافيش حاجة يترجع زى ما كانت ده اولا.
ثانيا انا اتشائمت منها بصراحة ومش هعرف اركبها تانى. ده غير انها كانت مانيوال وكانت تعبانى.
المهم ياريت برده اللى يعرف ميكانيكى كويس يبصلى عليها ويدينى سعر تقريبى للتصليح وافضل اصلحها وابيعها ولا ابيع على طول.