والكلام عن الروئساء والملوك السابقين مش هيخلص
مفيش حد فيهم ملوش انجازات وملوش اخطاء
بس فى مثل شعبى بيقول اللى ايده فى المايه مش زى اللى ايده فى النار
حتى فى حديث بيقول اللتمس الاخيك 70 عزرا
|
وهو الكلام عن ايه بيخلص ماحنا داخلين هنا علشان نتكلم
ونتعلم كمان
ان فيه فرق بين الاخطاء والكوارث والخسائر والنكسات
انت عايز تعتبر نكسه بلد وهزيمتها وموت الاف من ابنائها وفقدان قوام جيشها الاكبر والاهم (مجرد غلطة)
ديه كارثة ولو كنا بلد محترمة كنا فورنا الطقم كله من اول عبد الناصر لاصغر وزير ويتحاسبو كلهم كل حسب مسئوليته
لكن هما اتامرو على عبد الحكيم عامر زميل عمرهم وقتلوه وشيلوه المسئولية كلها
وهل معنى كلامك ان واحد زى مبارك يغتصب الحكم 30 سنة هو وعصابته ونقول معلش اصله بنالنا مترو الانفاق وحفرلنا نفق الازهر !!!
لو على كده مسكنى انا البلد واوعدك انى هعمل اقل من 70 كارثة ومصيبة وهعملك قصادهم 700 كوبرى ونفق وسد ومبنى هو انا دافع حاجة من جيبى ولا هقوم اعمل حاجة بايدى ما الناس اللى بتدفع والناس اللى بتعمر
متزعلش من كلامى يا باشا بس صدقنى اللى بقولك عليه ده هو اللى بيعمل شعب فاهم وعارف حقوقة وواجباته من اول عامل النظافة لحد رئيس الجمهورية لكن النظام اللى بتقول عليه ده دعوة فشل للجميع وعمرها ما هتعمل بلد محترمة ولا موظف حكومى مسئول
بص طيب هقولك حاجة اسهل
انت لو فاتح كشك سجاير يا اخى حتى مش هقولك محل كبير ولا شركة
وموظف غلط وخسرك فلوس هتسيبه 70 غلطه
هتسيبه يخسرك 70 مرة ولا حتى مرتين
هتسيبة يسرقك ويورطك ويغرقك !!
مستحيل طبعاً حد يعمل كده ويا يطبق الحديث اللى فى مجال العلاقات الانسانية الشخصية فى الشغل واكل العيش
طب ما بالك بموظف عام قراراته واخطائه فيه موت ومصائر ناس وشعب بحاله
سيبك من احنا شعب عاطفى والرئيس ده ابونا كلنا والكلام الفاشل ده كله
الرئيس موظف عام زى الوزير زى المحافظ زى الغفير
والحكومة ادارة عامة زى المحليات وزى الوزارات زى النقابات زى الهيئات زى شركات القطاع العام
والوظائف مفهومة والادارة مفهومة نفكنا بقى من هوس الزعامات والكريزمات ونشوف حالنا ونفكر صح
وعموماً سوء اتفقت معايا او اختلفنا سواء فهمتنى او اساءت فهمى اللى بقوله ده مش اختراع وجيل التغيير كله مؤمن بيه وان شاء الله مصر هتتغير للى بقولك عليه ده كله علشان الدنيا بتتقدم مبترجعش لورا
