رجل رفض ان البنك الدولى وامريكا يتحكموا فينا
ورفض رشوا قدرها 6 مليون بما يعادل دلوقتى 6 مليار
|
ادى الكلام اللى يزعل
يا كومندا هو كان فى البدايه بيحاول يتعاون مع امريكا وياخد تمويل من البنك الدولى وهما اللى رفضو مش هو
وبعدين حول البوصلة وبقى ياخد الرشوات من روسيا بدل امريكا عادى يعنى
|
وبنلنا السد العالى ورجعلنا قناة السويس
|
الشعب المصرى هو اللى بنا قناة السويس وهو اللى بنى السد العلى وعايزن كلنا نتعلم ننسب الفضل لاهله
انت عارف مين اسم واحد حتى من المهندسين اللى صممو ولا بنو السد
للاسف الاعلام السلطوى الفاشل بينسب كل نجاح لشخص الرئيس وكل فشل للشعب
ولما حصل العدوان الثلاثى على مصر قرر
انه يسيب الحكم والشعب عمل ثوره وهتف بيه وطلبه انه ميسبش الحكم
|
لا تعقيب طبعاً وانصحك تراجع كتب التاريخ تانى وحاجة غير كتب المدرسة
علشان التنحى ده كان تمثيليه للتغطيه على المسئولية عن النكسة
النكسة مش العدوان الثلاثى !!
وجين احنا دلوقتى نقول عليه متكبر
واخطائه اكتر من انجازاته
رحمك الله يا عبد الناصر
|
على فكره يا كومندا انا شخصياً بترحم على يهود ومسيحين ومسلمين كمان ومؤمن ان رحمته وسعت كل شىء من اول الجماد والنبات للحى والميت
هو احنا هندخل فى رحمة ربنا كمان
احنا بنقول انه نموذج فاشى فاشل كرئيس دولة ملناش دعوة بيه كانسان او كمؤمن
لا انا ولا انت عاشرناه كانسان علشان نحكم عليه
ولا حد ليه يحكم على ايمان حد غير المطلع على القلوب
لكن كسياسة بقولك تانى وعاشر هو نموذج فاشلى فاشل ردئى من ستالين بالاخص
ولما تقرا شوية فى التاريخ هتلاقى تشابه كبير اوى حتى بين الصراع المصرى الاسرائلى والصراع بين الشيوعية والنازية بس الفرق ان ستالين قدر فى النهايه يحافظ على على حدود دولتة ويرد نوعاً ما الاعتداء
عبد الناصر نكسنا ومات
والله يرحمة ويرحم موتانا وشهدائنا جميعاً يارب