[AbOnOrA]

بالتوفيق يا باشا جيبو ادله على الكلام ده ونضربلكم تعظيم سلام

لكن للاسف انا مضطر احكم بالخبرة السابقة وهى ببساطة انه اى كلام من بتاع العكشجية كل ما يتزنقو يطلعوة زى ما طلعو على 6 ابريل برضو وقالو عندهم ومعاهم مستندات
وزى ما قالو لن نركع وهنحاسب المنظمات الاجنبية والمش عارف كام مليون اللى دخلو مصر وهوب سفرو الناس ومشوفناش حاجة

علشان كده انا مش شايف فيه اى جديد عن سابق ده غير ان النص اللى انت حاطته ده بالتحديد لا يرقى الى كونه تقرير امنى ده مجرد مقال صحفى

على فكره الاسلوب ده اصلاً بتاع مرتضى منصور (الاسطوانة لا تزال فى جيبى)
الغريبة ان مبنوفش اسطوانات
والمشكلة الاكبر ان فيه الاف الكاميرات والتسجيلات التانية زى بتاعة التليفزيون تم مسحها بشكل مريب وبسلطة النظام السابق ده غير مستندات امن الدولة وما بحوزة مساجين طره

انا نفسى اشوف ادله وتحقيقات مش تقارير فكسانة وكلام عكش ومرتضى منصور
ساعتها اديك تعظيم سلام واقولك انا معاك ضد الاخوان

لكن موقفى من الاخوان والسلفيين هيفضل مبنى على الاحترام والاعتراف بوطنيتهم مع الاختلاف فى سياستهم وحقى وحق الجميع فى نقدهم وهجائهم
وهيفضل موقفى من الفلول مبنى على انهم كذابين ومروجى فتن واشاعات وذيول للفشل والفساد

مع استثناء محدود لفئه من الناس منهم قرايب واصحاب زيك يا فادى ممكن يكونوا عايزين الخير بس متاثرين عاطفياً لاسباب خاصة بيهم وفى نفس الوقت معاشوش ولا شافو حاجة من الثورة الا من خلال قنوات التلفزيون وبيكرهو الاسلاميين اكتر من اسرائيل فبيلاقو الانسب ليهم الانحياز لصف النظام الظالم ظلماً بينً