مصر الثائرة
من الفوضى الى الثورة
( دروس من تاريخ مصر القديمة)
تسممنا جميعاً بالعديد من الافكار الخاطئه عن انفسنا كمصريين ومن المغالطات التاريخية الكبرى ادعاء " ان شعب مصر مش بتاع ثورات" وطول عمرة خاشع لفراعينة وابدعو فى ذلك اقوال وامثال زى " زمارة تجمعة وعصاية تفرقة" وقالو " عباد الفراعين" وقالو " سكان الوديان سهل المعشر سهل الانقياد !!! " وعجبى
ومازالو يكذبون
انا شخصياً كنت اسير للفكرة ديه قبل ثورة يناير
كنت فاكر ان التاريخ المصرى مفيهوش ثورات شعبيه وان الثورة المصرية الوحيدة هى ثورة يوليو المجيدة !!
وان الثورة فى حد ذاتها صناعة غربية مشكوك فى امرها وان اول ثورجيه هما الفرنسيين !!!
وعشرات الاستنتاجات الاخرى المبنيه على الفكرة ديه
لكن الواقع غير كده خالص
فى المئة سنة الاخيرة فقط قامت 3 ثوارت شعبيه كبرى فى مصر
يعنى تقريباً كل 25 سنة ثورة
من اول ثورة 1919 اللى كانت شعبيه تماماً وضد الاحتلال ومخططاته واسافينه واهمهما فى الوقت ده ملف الفتنة بين المسلمين والمسيحيين (الهلال والصليب)
مروراً بثورة بانقلاب يوليو 52 اللى جه مؤيد لثورة شعبيه بدات فعلاً فى 25 يناير 1952 فى الاسماعيلية وما تلاها من احداث مهد لانقلاب يوليو من نفس العام
وانتهاء بثورة 25 يناير 2012 اللى كلنا عشناها من شهور
ولو ضيفنا كمان فى الفترة نفسها من احتجاجات شعبيه كبرى زى اللى حصل ايام السادات وايام عبد الناصر وفى بدايه ايام مبارك
ولو ضيفنا كمان ما سبق المئه عام الاخيرة من ثوارت واحتجاجات شعبيه على الاحتلال الاجنبى الانجليزى او الفرنسى
هنلاقى ان تاريخ مصر الحديث (لوحدة) فيه مايكفى من نماذج تؤكد ثورية شعب مصر وصعوبة اخضاعة لفترات طويلة تحت وطاة الذل والظلم والاستعباد
ولكم ان تتخيلو اذا كان هذه هو حال المئه عام الاخيرة وهكذا حال تاريخ مصر الحديث كله بالرغم من انه لا يتعدى مئات السنين ... فما باالكم بتاريخ مصر الكامل الممتد لالاف السنين قبل وبعد الميلاد
مصر الفرعونية عرفت الثورات ايضاً وبالرغم من بعد الاحداث وصعوبة الحصول على وثائق متواتره تسجلها خاصة وان الثورات بطبيعتها تحدث فى اوقات فوضى واضمحلال الا ان التاريخ يسجل بوضوح ثورات مصرية شعبيه أكيدة
ساذكر لكم بعضها فى المشاركات القادمة