المشاركة الأصلية كتبت بواسطة Waseem87
شكراً جزيلاً علي المعلومات دي. بس عندي كذا استفسار :
1. قصدك ايه بالتامين التكميلي .. هل هو التأمين الاجباري فى المرور و لا ده حاجه تانيه ؟!
2. هل الكاسيت و شفره المفتاح بتتظبط و انا بستلم و لا لازم اروح التوكيل علشان اشغلهم ؟
3. جربتي ال STEPTRONIC ولا لأ و ايه الاستخدام الامثل ليه لو جربتيه !
|
التأمين التكميلي ده مش في المرور
ده ضد الحرائق
السرقة
الحوادث
و شامل حقوق الغير في بعض الأحيان حتى 40ألف جنيه غرامة لا قدر الله
بيكون في شركة التأمين بصورة بطاقتك و ورق العربية و بتدفع 3.5 أو 3.25% من إجمالي قيمة السيارة لمدة سنة و الزيرو ليها 5% تأمين شامل لو أتسرقت من تحت البيت يدفعوا ثمنها بالكامل بس انا عجزت في الفلوس فماعملتهوش قدر الله و ما شاء فعل
لو بتستلم من التوكيل بيكون الكاسيت بدون شفرة و ممكن يكون مشفر لكن الجديد كله متلين على الواقف و الكاسيت مش مشفر
المفتاح له كود بيشغل العربية و لو أتسرقت لا قدر الله الحرامي ربنا ياخده قبل ما يجي ناحيتها مستحيل يعرف يمشيها بس أحتفظ بالسيريال بتاع المفاتيح و أوعى ترميه خالص خصوصاً لو حتركنها في جراج أو ترميه في مكان حد يعرفك فيه علشان مش يطلع مفاتيح بالسيريال بتاعك لا قدر الله
الاستب ترونك لسه مش جربته و أول ما أجربه بأمر الله حنزل تقرير عنه ممكن تدخل على النت تشوف تجربته و نظرية عمله حتلاقيه كثير قوي
بالتوفيق أخي الفاضل - تحت أمرك أي وقت في اي استفسار
أختك توتة المصري