انا تمام يا استاذ عبدالله وحشتنى مشاركاتك والله
العربية يا باشا الحمد لله زى الفل التكيف رائع و اليابانى طول عمره كده
بس العيوب اللى لاحظتها مع الوقت ان العفشة ناشفة شوية ودى اكتر حاجة مضايقانى شوية بس العفشة مش زى عفشة السيراتو مثلا يعنى خالى عنده بروتون بيرسونا 2009 ودى عفشتها حجر ركب اللانسر امبارح روحنا نحوط بنزين فبقولوه انا حاسس ان العفشة ناشفة قالى انا مركزتش معاها الكلام ده واحنا فى البنزينة بس واحنا راجعين قولتله ركز معاها كده قالى مش اوى يا راجل لما روحنا انا والحاج من كام يوم عشان نعمل صيانة الالف الحاج قالهم على الكاسيت انه بيفصل لما بيشغل الراديو المهم البنت قالت هنشوف كل حاجة و كتبت مشكلة الكاسيت فى الورقة بتاعة الصيانة المهم لاقيتهم غيروا الكاسيت لما اسلمنا العربية بواحد تانى kenwood بس منغير usb طبعا انا على طول بسمع الاغانى من usb عشان كده مكنتش اعرف مشكلة الراديو اللى بيفصل غيرنا الفلتر والزيت ب 350 والمصنعية مجانا ولاقيت المفاجاة ان التيل الاصلى 510 جنيه غير شامل الضريبة والمصنعية يعنى هيخوش فى 600 جنيه العربية انا سوقتها تقريبا 60 كيلو لحد دلوقت نصهم كان على طريق سريع لما روحت مونت العربية امبارح
سحبها وثباتها جميل و فراملها قوية جدا و دى بعتبرها ميزة وعيب
التوكيل كويس بس غالى
وزى ما قولتلك ان العفشة السبور ناشفة شوية بس بتزود الثبات
غير العيوب اللى قولتهالك قبل كده وانا لغايت دلوقتى مش لاقى عيوب تانية الحمد لله
ان شاء الله اول ما افضى هعمل تقرير عن صيانة الالف عشان نفسى اعمل شغل جامد فى قسم الميتسوبيشى ان شاء الله