رد: انواع البوتاجازات
أنا عندى يونيفرسل 4 شعله وأخويا عندة كريازى 4شعله برضوا أشعال ذاتى ولمبة فرن وشواية وزجاج عازل للحرارة... الحقيقة يونيفرسل مش حلو قوى عن تجربتى أنا عندى البوتاجاز بقاله 3 سنين من اكثر من 6 شهور الشواية مش بقت تشتغل يعنى تيجى تولعها مش تولع المرجح ان الفونية مسدودة ومحتاجة تصليح. كمان التسوية بتاعته فى الحلو مش كويس يعنى فى عمل الكيكة والحاجات اللى بتتحمر من فوق لازم تولع لها الشوية لانك لو انتظرت لحد ما الوش يحمر تلاقى القعر أتلسع ولزق. يعنى التسوية مش متساوية للقعر والوش.يمكن كل البوتاجازت كدة ولكن عند الوالد المصانع القديم بدون شواية ولكن الشعلة من الجنبين بتخلى السوى تمام للوش والقعر. يمكن البوتاجاز عند ناس تانية تشكر فية بس الحقيقة عندى مش حلو. الكويس فى الشركة الضمان يعنى عندى السخان اتصلت علشان يصونوه جاة الراجل تانى يوم أخذ 16 جنية بفاتورة ونظفة كويس ومشى. يعنى ضمان كويس
عند اخويا كريازى كويس جدا تسوية كويسة وشغال تمام على كلامة ولكن بيجى الفيشة بتاعته مقطوعة لان السلك بيكون فيه ارضى يعنى الفيشة تتركب فى فيشة ثلاث عيون علشان كدة مقطوعة من البوتاجاز وانت بتحط واحدة وتسيبك من سلك الارضى...
فى ناس زمان كانوا بيقولوا تكنوجاز لا يعلى عليه وفى النهاية التجربة خير دليل.
التعديل الأخير تم بواسطة tham1010 ; 18-07-2012 الساعة 02:34 AM
|