[مراد احمد السيد]

السلام عليكم ورحمه الله وبركاته
كل عام وانتم بخير ورمضان كريم

إخوانى الأعزاء


المشكلة بإختصار إنى جيت مرتين الصبح (خلال مدة عشرة ايام ) ادور العربية مش عايزة تدور علما بأن
مؤشر البطارية على تابلوة السيارة مش منور وكله تمام

قبل المشكلة رحت اركب 4 بواجى ( شمعات الإحتراق ) لكهربة السيارة قام الكهربائى قال لى الكويل بتاعتك بتهرب كهرباء ولازم تتغير .
قلت له حاضر .. قمت رحت لكهربائى آخر قلت له افحص لى كويل السيارة قام قال لى الكويل سليم بس السلكين بتوع الكويل فيهم تقطيع بسيط ولازم يتغيروا قلت له طيب ptmnlo123per111
وسألته سؤال إذاى انت عرفت إن الكويل سليم دا أنا وديتها لكهربائى قبلك قال لى الكويل خربان .
فأجاب بص ياسيدى إحنا لو فكينا الكويل واحد واحد من الماكينة حنلاقى الموتور يهتز ولما نركبة واحد واحد ومتهزش الموتور يبقى الكويل سليم ولو إتهزت بعد التركيب يبقى بايظ ptmnlo123per172

رحت لواحد ثالث قال كلة تمام ياباشا بس البطارية بايظة و مبتقبلش الشحن ( بترفض الشحن ) ptmnlo123per154

أنا عايز أعرف فين المشكلة .. علما بأن علامة الصلاحية لونها أخضر .. على الرغم أن تم فحص دينامو السيارة وكلهم اشتركو فى الإجابة بأنه سليم .

أنا بصراحة خايف أن الراجل عايز يعمل عليا لعبة لإنة بيقول البطارية بايظة ولازم تشترى جديدة ( استعملت البطارية لمدة 14 شهر ) علما انه لما قام بفحص البطارية كان المؤشر عند تقريبا 400 أخضر ومعرفش عمل ايه نزلت الى بداية الاخضر

افيدونى بالله عليكم

وهل الاسلاك الاثنين بتوع الكويل الخاص بالبواجى تكون السبب كهربائى تانى بيقول بايظين وعايزين يتغيروا

أنا تايه بالله عليكم أفيدونى ptmnlo123per144

على الفكرة السيارة متسوبيشى سبيس واجن موديل 2000 خليجى لأنى مقيم بالسعودية .