السلام عليكم , انا عندى سيتروين ax موديل 97 1400 cc العربية فى التسارع ما شاء الله صاروخ .. و لكن بالنسبة لللسرعة القصوى فهى لا تتعدى ال 140 كم/س علما بأن الموتور فى حالة جيدة جدا جدا ... المشكلة ان فى النت كاتبين السرعة القصوى للسيارة هى 180 كم/س .. المسكلة ان ال rpm لا يتعدى ال 4000 فى السرعة الرابعة و لما بنقل على الخامس مفيش اى تغيير فى السرعة .. هى ال 140
.. و المشكلة انى قابلت واحد فى عين شمس عند بتوع سيترون معاه اختها بيقولى ( راجع على الصحراوى امبارح 175 ملمسة فى ال 180 ) ..و واحد عند الكهربائى بيقولى انه على طول بيجيب ال170 عادى ..
.. سألت احد الميكانيكية .. قالى ممكن تكون بوابة الكربتير .. هل ليها علاقة ؟ .. و و احد يقولى ممكن يكون سلك الاكسيريتر ( شداد البنزين ) ..علما بأن عندى مصفة الشكمان عايزة تتغير ليها علاقة بردو ؟ !! و هل العجل و الكاوتش ليهم علاقة ؟ المشكلة اللى يغيظ الاقى واحد معاه 128 مع احترامى الكامل للعربية دى يقوللى انه بيجيب 150 فما فوق
... و بردو فى حاجة ملهاش دعوة بالموضوع بس ياريت حد يفيدنى .. بحس ب غربلة ( رعشة قوية ) فى الطارة اول ما بطلع بالعربية ( السرعات البطيئة جدا ) غربلة واضحة جدا .. والعجل لسة عمله ترصيص .. الغربلة زادت
.. علما بأن علبة الدركسيون لسة متغيرة من 6 شهور تقريبا ..ارجو الافادة و شكرا
