رد: اللانسر و حقيقتها
السلام عليكم كل سنه وانتو طيبين انا هكتب تقيمى للانسر انا اشتريت لانسر بومه موديل 2007 فى شهر 11 2006
العربيه 1600 اتوماتيك
عن تجربه العربيه لم تحتاج لتغير اى قطعه او بمعنى اصح داخله على 3 سنين من غير ما اتكلف اى قطع غيار
السحب انا راضى عنه وفى حاجه احنا نسينها ان العربيه موديل 2007 مزوده بكمبيوتر السواقه وده بيتعرف على
طبيعة السائق بمعنى انك لو انتى سواقتك هادئه العربيه هتاخد على ده ولو انتا بتحب التسارع العربيه هتاخد على كده
فممكن الناس اللى بتيجى تجرب بتكون العربيه واخده على السواقه الهادئه فبيحس ان العربيه مش بتسحب
وفى سبب تانى انا المتور مصمم بتقنية cvt وديه تقنيه مش بتحس بلغيارات وديه بتسبب مشكله للبعض منا
انه عايز العربيه تلقط غيارات اعلى فى وقت اسرع وده مش هيتحقق مع هذا النظام وانا شيفها ميزه لكن اللى
عايز سحب الحل موجود انك تجيب ال Ds
هنا بقا انتا هتحرق اكتر على الغيار وهتحس بسحب رهيب ممكن يخليك تخاف انك توزد اصلا
يعنى عن تجربه انا بحس انى انا بتسحب مع العربيه
فى مره كنت ماشى فيها بسرعه كبيره واخت مطب فى الضلمه المهم العربيه طارت من فوق المطب
ومسكت فرامل العربيه فرملت فى خط مستقيم وكنت متوقع منها انها تلف او تنحرف لكن الثبات كان
كويس جدا و اعتقد ده رد على ان العفشه اى كلام العفشه رياضيه ومستخدم فيها اقوى نوع مساعدين يابانى وديه معلومه كنت
سمعتها من احدى مهندسين الصيانه بلتوكيل
ده اللى بيدى احساس ان العفشه ناشفه على حد تعبير بعض الناس ونهاية الكلام ارى ان اللانسر بومه تحقق مبدء افضل قيمه مقابل السعر
وديه تجربتى الشخصيه حبيت انقلهالكم ورمضان كريم
التعديل الأخير تم بواسطة egyits ; 29-08-2009 الساعة 12:03 AM
|