رد: كل واحد حصلو كدا يخش
هههههههههههههههههه
مواقف كلها تحفة والله
أنا بقى عندى من المواقف يكفى خمس كتب
بس أجملهم وأقواهم ::
كنت راجع من الكلية ومعايا زميلى
وماشي على طريق فى مدخل البلد
وصبى بتاع كاوتش عدى قدام العربيه وراح رجع تانى مرة واحدة
خبطته بالكابوت ونزل على الارض وقام يجرى على الورشة
ركنت ونزلنا نشوف الولد راح صاحب الورشة مسك وليد صاحبى
وراح ضاربه فين يوجعك  ..... ويشخط فيه ماتمشى على مهلك . ماتاخد بالك
وانا راكب على الراجل من وراء وماسك دراعاته الاتنين بس اروح فين
الدراع الواحد عنده  قد وسطى ويمكن اكتر المهم اقول للراجل انا اللى خبطة برضو مافيش فايدة فاكرنى بقول كده عشان يسيبه
المهم الناس اتلمت وخدوا صاحبنا وركبوه العربيه وقالولى معلش سوق انت
عشان صاحبنا بقى وشه  كله دم  كل ده وأنا فطسان من الضحك
بس مش مبين و أول ما ركبت العربيه اتفتحت فى الضحك
وهو يشتم ويلعن 
وأنا  أضحك
التعديل الأخير تم بواسطة mhamdy75 ; 05-07-2012 الساعة 04:00 PM
|