أنا على فكرة بقيت بتعامل مع الفلول والنوعية دى من الناس فى حياتى العامة دون نرفزة وبمنتهى البرود
لدرجة أنا نفسى بستغرب منى بس انا خلاص زهقت من الناس دى يعنى مثلا واحد أعرفه مقرف من بتوع جدو مبارك فضل ورايا لحد ما قولتله بص مبارك ده من كتر ما هو طاهر نقى وإحنا شعب تييييييييييييت خسارة فينا يحكمنا الراجل النظيف
لقيته مبسوط قوى طبعا سيبته ومشيت ومن يومها وأنا بعتبر الثورة قافلة وبتسير رغم إختلاف أفراد القافلة فى ما بينهم بس بيحبوا بعض وبيخافوا على بعض ولما تجيلهم كلاب تهبهب أو قطاع طرق بيتجاهلوها وبيتحدوا مع بعض
فالكلاب تعوى والقافلة تسير وبلاش وجع دماغ وصباح الناس الرايقة
أما العالم اللى متضايقة أنا لا ماليش فى دول