[borio1704]

المشاركة الأصلية كتبت بواسطة أحمد عثمان محمد يا باشا أنا اشكر حضرتك جدا جدا لسرعة الرد و الشرح الوافى كل ما فى الموضوع أنى أستغربت جدا لما شوفت الصورة اللى فيها الـ504 المقلوبة و اللى بيظهر فيها عمود كبير غير متحرك( مش عمود كردان بمعنى أصح) متوصل بدعامتين من العجل الخلفى و دى الصورة كمان مرة شايف العود و الدعمتين اللى متوصلين بينه و بين الكرونة ؟؟؟؟ تحياتى

بصراحة أنا دورت كتير في النت عشان أقدر أعرف معلومات أكتر




وما لقيتش أي معلومة تقول غير إن البيجو الـ504 مبنية على هيكل أحادي (علب)




بس الحقيقة ملحوظة حضرتك في مكانها، واللي يثبت كلامك موجود في الصورة دي




عمود الكردان موجود جوه ماسورة ثابتة بتحميه وكمان الكورونا ثابتة ... في حين إن التعليق الخلفي مستقل (كل عجلة لوحدها على كبالن)، وده كان يعتبر ثورة في عالم السيارات وقتها إنك تلاقي عربية ملاكي التعليق الأمامي والخلفي مستقلين

وكعادة الفرنساويين في عربياتهم... البيجو كانت عايزة تعمل حاجة جديدة في السيارات... بإنهم يدمجو الهيكل الأحادي مع هيكل العمود الفقري في نقل الحركة وده يديك عربية قوية بشكل عام.

ويمكن ده يفسر كذا ظاهرة كانت معروفه عن الـ504 زي:

• مجموعة نقل الحركة مستقلة تماما عن الجسم وده بيدي راحة عالية في المطبات.

• اتزان العربية كان متوسط (أو ضعيف) نتيجة إن الجسم قوة التواؤه منخفضة بعض الشيء.... بس في نفس الوقت الجسم كان مبني بقوة كافية لتحمل الخدمة الشاقة اللي كانت معروفة البيجو 504 بيها

والله أعلم


...