المشاركة الأصلية كتبت بواسطة prince_pc
بم اني من راكبي السيينا 2008 فقلت لازم أفيدك حتى لو متأخر شوية ، .... بيقولوا ضيقة ومعرفش ايه كده ، واللانوس أوسع ومعرفش ايه ...... وانا بقولك عن تجربة 5 شهور ان صالون العربية مريح جداااا جداااا وواسع لأقصى درجة وطبعا مستحيل يكون اللانوس اوسع منها وبالنسبة للشنطة فهي وعن جدارة أوسع شنطة عربية سيدان موجودة في مصر وبدون مبالغة ، العربية ناعمة جدا وثابتة جدا على الطريق بالذات في ثنيات الطريق ، العزل في صوت الموتور أكثر من ممتاز ، أكثر من ممتازة في استهلاك البنزين ( يضرب بيها المثل) ، عفشتها معقولة جدا ، تحس معاها بالرفاهية في شكلها العام ، عيوبها ..... انسى التكييف ، ومش هاقولك لما تشغلة سحبها عامل ازاي مفيش سحب اساسا .... الكاسيت بتاعها تعبان جداااا وكتير جدا بيغيروه ولما بيتغير بيكون شغل الطابلوة وحش جدااااا ، فتيسها مش ناعم (عيب الفيات كله تقريبا) ولازم تدوس أوي على الدبرياج في النقلات .... نيجي بقى للموتور ، عندك أوحش حاجة فيها والكل بيشتكي منها بوابة الانجكشن لازم تتنظف كل شوية وعداد الار بي ام يقعد يطلع وينزل ... قطع غيار العربية نادرة وغالية جداااا بس ميزتها ان كل قطع غيارها أصلية يعني مش زي اللانوس او الفيرنا تلاقي معظم قطع غيارهم مضروب ، وفي الأول والأخر حالة العربية هي الل بتقول
|
السلام عليكم
بعد العيوب ده كلها بتقول انها احسن من اللانوس والفيرنا لعلمك اللانوس سحبها حلو بالتكيف استهلاك البنزين رائع قطع غيارها منتشره ورخيصه والكلام ايضا علي الفيرنا لأن الفيرنا واللانوس تعتبران وجهان لعمله واحده بأختلافات بسيطه
ويكفي انه عند اعادة البيع للكوري بتبيع وأنت حاطط رجل على رجل وتتشرط
والله المستعان
__________________
صل اللهم على خير الأولين والآخرين وعلى آله الطيبين الطاهرين واصحابه الغر الميامين ومن تبع هديه إلى يوم الدين
سبحان الله وبحمده سبحان الله العظيم ربي اغفر لي وتب علي إنك انت التواب الغفور
لا إله إلا أنت سبحانك إني كنت من الظالمين