ارجو الرد من خبراء الانوس الكرام
السلام عليكم
انا معايا لانوس 99
امبارح كنت ماشى بالعربية فى شارع الهرم ومشغل التكييف (لسة شحنه) و الحياة عنب
فجاءة وبدون مقدمات العربية بطلت روحت مدورها عادى جدا
وجريت بيها بس كل ما اجى ادوس فرامل والعربية تبدا تهدى وتبقى السرعة 40 وتقل
العربية تبطل وهكذا المهم روحت البيت وركنت وفتحت الكبوت لاحظت ان صوت الموتور واطى عن المعتاد وتحس كانها هتبطل بعد كدة بصيت لاقيت فى بوجيه
بيشرز امت بطلت العربية ودست على سلك البوجية شوية العربية صوتها رجع زى الاول
امت مشغل التكييف العربية برجلت وبطلت ورجعت زى الاول فكيت سلوك البوجيهات كلها
لاقيت سلكين منهم واحد النحاس اللى جوة السلك ماسك فى البوجية و السلك مشدود فى يدى
و التانى مفيهوش النحاس اصلا فقلت ممكن يكون العيب منهم
فقلت استشير قبل ما اغير او اعرف حتى الدنيا فيها اية علشان مينضحكش عليا
ملحوظة : العربية بتدور بسهولة ومن اول مرة علشان اللى هيسال عن البطارية
اسف على الاطالة و ارجو سرعة الرد
و شكرا
|