[Hisham.Elgazzar]

المشاركة الأصلية كتبت بواسطة handtools123 أنا جبت كلورايد تربو 55 أمبير سعرها 300 ج من غير القديمة طبعا عشان أتسرقت ههههههه بس كنت عايز أعرف حاجه يا هشام باشا هو العربيات القديمة أحسن حاجه ليها السائلة عشان الجافة بتكون عايزة دينامو شحنه كويس وثابت هل أنا كده كلامى صح عشان أنا جربت الجافة باظت عشان الدينامو شحنه مكنش ثابت وأشكر حضرتك على المعلومات الغالية دى

الصراحة يا أستاز محمد انا عمرى مابقتنع بالبطاريات الجافة دى انا مادخلتش جواها وعرفت مكوناتها ونتا عارف ازاى ممكن تتضرب وخصوصا انها سودا من برا وجوا

ثقافتى بقى فى بطارية العربية لازم تكون سايلة ومليانة ميه نار
ولما تبوظ تلاقيها بتبقلل من الربع البايظ
وكان فيه بطاريات زمان تقدر تغيرلها ربع وتمشى عادى
وفيه بطاريات 55 و 70 و إلخ

لكن اهم حاجة قبل ماتركب بطارية جديدة كتاوت شحن الدينامو
سواء كتاوت داخلى او خارجى

لازم يكون مظبوط ، جلب الدينامو والشربون بتاعه وكزالك المارش
وقواطيش البطارية وكابلاتها والوصلات الأرضى بتاعت الشاسية
وتطمن كل شهر على حالة شحن الدينامو

انما اى حد ممكن يركب جافة او سايلة فى اى عربية لكن اهم حاجة الحاجات التى قولناها مسبقا

فى ناس مش بتحب ميه النار علشان كده بتجيب جافة

ربنا يعوض عليك خير بإذن الله ، فيه كابل معزول بيتباع عند ابوالجوخ بتاع العجل بيتقفل على البطارية لتأمينها

فكرة جديدة وناس كتير قلدتها لكن دى أنضف حاجة ومش غالية