المشاركة الأصلية كتبت بواسطة shoman011
الف شكر يا ايمو بس انا والله حاولت مع الميكانيكى و العفشجى علشان حد يركب معايا كل واحد كان يقول مش فاضى علشان الطريق الى عندنا مينفعش تمشى عليها بسرعة فلازم كنت اطلع الصحراوى علشان كده كل واحد يقول مش فاضى
وعلى فكرة انا كان معايا الاول فيات 132 موديل 1974 1800سى سى وبعتها لانها كانت عايزة حاجات ياما وجبت دى 132 1979 2000سى سى باور وزجاج كهرباء وسنتر لوك وصاحبها عقيد فى المخابرات العسكرية بس طلع على المعاش ومعاه لانوس فمكنش بيركب دى خالص يعنى كانت مركونة بس حالتها كويسة والماتور بيعرق مياه يعنى كويس بس الى فيها بقى هى البارمة ودى نتيجة الركنة والعمر لانها مركونة اكتر من 8 سنين فأشتريتها بمبلغ 13500 وانا شايفة انه مبلغ قليل اوى على حالتها بس انا عايز اظبط البارمة الى فيها ومش عارف ابدى بيها الاول ولا اظبط مشكلة الحدف الاول ياريت تنصحونى ولو حد يعرف سمكرى وبوهيجى كويس فى الاسكندرية يقولى
معلش انا طولت عليكم بس والله معرفش حد اسئلة غيركم والف شكر على حسن استماعكم
|
اولا مبروك
ثانيا روح لبتاع زوايا محترم وهو لازم قبل ما يظبط بينزل تحت العربية ويبص على الركبتين والسلاحين بتوع الشاسية عشان زوايا العربية دى مابتتظبطش غير لو الشاسية مافيهوش الهوا لو الشاسية والركبة مظبوطين 10/10 روح للعفشجى خليه يبص على تيش النص وان شاء الله تبقى معاك زى الفل ده بالنسبه للحدف
اما بالنسبه لموضوع بعد ال 100 بتسمع صوت فممكن يكون الفتيس فيه مشكله ( ونه ) ومع السرعه الكردان بيرف او الكارونه هى اللى ونه ممكن تنزل الزيوت كلها وتحط زيت 140 وان شاء الله هتبقى عنب واحنا برضه بنعمل خطه عشان نيجى الاسكندرية وقريب جدا انت ممكن تسيب برضه رقمك واسمك لمزيد من التواصل
اخوك مصطفى 01123040025
