المشاركة الأصلية كتبت بواسطة cena1000
بسم الله الرحمن الرحيم دلوقتى انا عندى 128 موديل 1974 وانا عايز اظبطها بحيث تكون طيارة مش عربية و عايز اجهزها بكل حاجة و ليا واحد صحبى سروجى بس عفريت بيفهم فى كل حاجة و لى زمايلة طبعا صنايعية متمرسين فى تعديل العربيات بانواعها المهم كنت اعد معاه فى يوم و كده المهم فتحتنا موضوع العربية فبيقولة شوفت على النت عربيات متعدلة و كده قالى احنا ممكن نظبط العربية بتاعتك نظبطلها الاول سمكرة صح يعنى زى مالكتاب قال بس مش كعربية 128 لا كعربية اشد بكتير و شدادات فى العربية كلها و صاح ورق بقلاوة و مش عارف اية و صب رصاص فى القوايم و تعديل فى قواعد الموتور و كل حاجة عشان مثثلا بيقولى نركب عليها موتور فيات سينا 1600 او فيات اونو و طبعا هنركب تكييف او موتور لانشيا فكنت عايز اسأل الناس الدنيا دى هتتكلف كام و اية احسن موتور يتركب عليها بس خلينا فى المواتير الحديثة و المناسبة لل128 و طبعا هنعمل التعديلات كلها و هنغير الموتور و الفتيس بتعة طبعا و عايز اعرف اية هيتغير تانى غير الموتور و الفتيس و طبعا هنركب تكييف و التكالييف هتبقى فى حدود كام بالتفصيل و هو بيقولى كده انت مش هتبقى بقى راكب 128 هتبقى راكب عربية حديثة تجمع بين المتانة بتاعة العربيات القديمة و قوة مواتير و سرعة العربيات الحديثة فعايز الكل يشارك و يقولى اية الاخبار و بيقولى نركب جنوط 16 و ننفخ الصاح و الرفارف فهل كل الحاجت دى تنفع و انا بقول 16 كتير اوى فبرضة ناخد رأى الناس اية و شكرا لكل اعضاء المنتدى و ياريت يا شيخ طارق تقولى اية النظام عشان انا بثق فيك وانت راجل محترم |
مع احترامي لحضرتك وقلة خبرتي بس انا لو معايا فلوس اعمل كل التعديلات ديه هجيب عربيه زيرو شيك وموديل السنه ديه واعمل حبة تظبيطات فالشكل تبقي من الاخر لكن الي انت بتعمله ده فلوس كتييييييييييييييييييييييي ر جدا وفي الاخر لما حد يسالك مع عربيه ايه هتقولوه معايا 128 مش بحبطك والله بس انا شايف ان الزيرو زيرو مهما حصل