المشاركة الأصلية كتبت بواسطة shoman011
السلام عليكم
اولا الف شكر للقائمين على الموضوع الجامد ده
انا معايا فيات 132 موديل 79 200سى سى انا لسه شاريها من حوالى شهر انا ظبطت فيها العجل والماتور بس لما بمشى بيها على 120 بلاقى العربية بتحدف يمين وبسمع اصوات دربكة اوى والماتور لما بدوس دربرياج بيحصل صوت غريب روحت لبتاع العفشة قالى عفشتك زى الفل والميكانيكى قالى ان الماتور تمام ومفيهوش اى حاجة وعلى فكرة الماتور اول ما يشتغل صوته هادى اوى بس الصوت الى بسمعة انا لما بكون ماشى فوق 100 كم وبدوس دبرياج بسمع الصوت
يجماعة انا بجد احترت مش عارف اعمل ايه او اروح لمين العربية حلوة فى سحب البنزين وشديده فى السحب والثبات بس بعد ما اعدى 100 بتحصل امور غريبة اوى واصوات مرعبة ياريت حد يقولى اعمل ايه ولو يعرف حد فى الاسكندرية يقولى
|
خلي ميكانيكي يركب معاك ويشوف في ايه بس الحدفه دي غالبا عفشه فيها حاجه اكشف عليها وعلي فرد الشاسيه والركبتين الاماميه وشوف تحت علبة الدركسيون ممكن تكون محتاجه لحامات وبص علي تيش النص ممكن يكون البارات بتاعته سايبه منه عاوزه تتلحم كهربا تخلي العربيه تحدف علي السرعات العاليه
واهلا بيك في الرابطه وياريت تقولنا تفاصيل اكتر عنك وعن عربيتك