رد: ماحستيش فيوم ان عربيه حيه ؟
أولاً أنا فعلاً بأحس بتجاوب بين الإنسان و أى آله مش العربيات بس
المهم الموضوع ده حصل مع نسيبى و كل أولاده شهدوا عليه
الراجل فى بداية حياته كان معاه عربية مازدا نص نقل شغال عليها جايبها من الزيرو, فضلت معاه 17 سنه, و عملها 3 عمرات موتور و عمل فيها كل حاجه
المهم جاء اليوم اللى فكر و قرر يبيعها فيه, كان راكنها فى الجراج و جاى ينزلها , طلعت تانى لوحدها و دخلت الجراج, الموضوع ده أتكرر 3 مرات ينزلها و تطلع لواحدها و تدخل الجراج تانى, المهم برضه باعها و بكى عليها , معلش عشرة عمر و شافت معاه شقا كتيييير .
أنا بقى بأحب الخياطه, عندنا ماكنه قديمة و على أد حالها, الماكنه متشتغلش غير معايا بس بعد ما أزيتها و أضبطها, لو حد تانى قعد عليها متشتغلش. و ساعات أحس إنها بتعاتبنى عتاب رهيييب علشان مطنشها, كل ما ألضم الخيط فى الأبره يتقطع لواحده.
|