المشاركة الأصلية كتبت بواسطة .EhAb
يعنى نشترى لون فحلقى و لا ايه ؟  |
__________________
حضرتك تختار اللون زي ما تحب أنا بقول نصيحة مجردة لأن ما فيش شيء كامل في الدنيا الخيارات أمام حضرتك أنا عن نفسي لما جيت أختار لون عربيتي أخترت البترولي لعشقي للأزرق لكن لما لقيت أختي الكبيرة بتحب الأحمر حجزت النبيتي و فضلتها على نفسي
و كان اختيار للبترولي لأنه:
مميز
الأزرق عشقي الأول و أكثر لون يريح أعصابي
ماركة و نوع السيارة التي عقدت النية على شرائها (من وجهة نظري البترولي أكثرها غرابة و قرب من السماوي الذي كنت قررت حجزه في ماركة أخرى ثم تراجعت)
إعلانات اللوجان الموديل المعروض بها بترولي
أغلب السيارات اللوجان التي لاحظت إن بعض الناس الأنيقة ممن أعرف يقتنيها
لو قريب من الألوان الترابية التي لا يظهر بها الاتساخ
لكن الإيثار خلاني أفكر بشكل تاني:
حتحقق حلم أحب الناس ليا بنسبة 100% و حلمي بنسبة 75%
النبيتي لون منتشر
لون بناتي
سهل أجد إكسسوار له
مش حتكون ملفتة للنظر علشان الحسد زي البترولي إللي حتكون الوحيدة في المدينة التي أعيش فيها
دائماً أحاول النظر في النعمة الباطنة فيما يظنه من حولي نقمة ( النص المملوء من الكوب و لو كان قطرة واحدة من الماء)
و الشركة اتصلت بيا لأن واحد لغى حجزه بالصدفة و قالي تعالي خدي النبيتي
يبقى بارك الله فيما رزق
و بردو حضرتك حر في اللون و أنا قلت تجربة شخصية جداً و لحضرتك مطلق الحرية تاخد برأي المتواضع من الناحية العملية أم لا - و من الناحية النفسية ده دراسات عملية لم أخترعها و ممكن حضرتك تبحث في سيكولوجية الألوان و خواصها الضوئية و الفيزيقية
تحياتي و احترامي لفكر حضرتك و رأيك