[mms]

المشاركة الأصلية كتبت بواسطة icdl_man بعد التحية على السادة الأفاضل قمت من شهرين بشراء سيارة من معرض أبو غالى - الإسكندرية بشراء سيارة انجلون موديل 2011 و بصراحة العربية كانت عجبانى قوى و تحديت الكل و اشتريتها المهم لقيت بعد استلامها أن المرايات الجناب مطوسة و أكر الأبواب مبقعة بصدأ لا يمكن إزالته المهم بعد مزاولات من فرع الضمان هنا بالأسكندرية عفيفى موتورز تم تغيير هذه الأشياء و بصراحة يشكر مهندس شادى فى القاهرة على ذلك و شكوت لهم مرارا و تكراراً ان السيارة بتبطل و ان الغيارات غير سليمة ادعوا أن هذا غلطة من رجلى و لكن تم أكتشاف ان الشكمان بايظ و لازم يتغير بالقاهرة مش عارف عربية مش عاملة 250 ك أزاى الشكمان بايظ و كمان العجلة الأمامية و الجنط لقيتهم بايظين المهم سافرت القاهرة على العجلة الاحتياطى و قاموا مشكورين بتغيير العجلة الأمامية و الشكمان و كشاف أمامى كان الزجاج بتاعه مبهدل و ايضاً تشكر الصيانة و لكن عيب الغيارات لم يظهر أمامهم و لكنى مش عارف اجيب الثانى و المارشيدير و ذهبت للمرة الخامسة للتوكيل بالإسكندرية و هو بالكيلو 27 عفيفى موتورز و هناك ظهر العيب و لكن هذه المرة حاولوا يتملصوا و لكنى اصريت على موقفى و ظلوا ساعتين يصلحوا بها و عند التجربة ظهر العيب مع المهندس الذى قام بتجربتها معى و عند إخبارهم انه يوجد عيب الفتيس قالوا لا حنبعت و نجيب من القاهرة كابلات للغيارت و نجرب الأول و لكنه بشرنى أن احد عملاء انجلون وصلت له مساعدين اليسارة بعد 3 شهور من تحديد العيب العربية بتحدف يمين حتى بعد ضبط الزوايا عندهم و بتسخن قوى العيب ده ظهر بعد تغيير الشكمان و عند تشغييل التكييف فقط و قد ظهر العيب بركز عفيفى و لكنه اخبرونى انه عادى ان الحرارة توصل اربع شرط بعد التسعيين يعنى الشرطة الجاية تبيقى على الأحمر المهم مش عارف اعمل ايه هو مش كده أن من حقى يغيروا لى السيارة و لا أعمل ايه على فكرة أنا قدمت شكوى لجهاز حماية المستهلك امبارح بس برضه خايف ساعدونى و معلهش طولت عليكم

باين من كلام حضرتك انك شاريها زيرو . لكن من العيوب اللى ذكرتها زى مرايات الاجناب مطوسه والاكر فيها صدا لا يمكن ازالته وزجاج الفانوس مبهدل لا يمكن تكون ابدا الا فى سياره مستعمله !! ومعلش العيوب دى عيوب ظاهره . حتى لو حضرتك بتشترى سياره لاول مره فى حياتك لايمكن العيوب دى تفوت عليك . ودا اللى خلانى افهم ان حضرتك شاريها على عيبها , بحيث تكون العيوب دى فى السياره دى بس بان تكون موديل قديم وبايت من السنين اللى قبل كده . وانا بصراحه ركبت السياره دى قبل كده وكانت غايه فى الروعه وخاماتها من اجود الخامات بالنسبه للسيارات الصينيه . عموما رجاءا مزيد من المعلومات من حضرتك عن وضع السياره بالضبط . وربنا بوفقك لحل جميع مشاكلها . تحياتى .