[الزيرو]

السلام عليكم ورحمة الله وبركاته
طبعا انتوا عارفين انى بغلس اوى عليكم بس طماعنة فى كرمكم وبجد مكسوفة منكم
بس انتوا اهل خبرة وهسال مين غيركم
انا لقيت اعلانات عربيات جميلة جدا اكسيل واكسنت وباسعار مناسبة ليا يعنى 28000 و27000 و29000 بس المشكلة انها فى القاهرة وانا فى اسيوط ومضمنش ممكن يحصلى ايه فى الطريق وخصوصا مفيش امان فى القاهرة غير اسيوط هنا والصعيد عموما الحمد لله مقيش اى مشاكل والدنيا امان
المهم مطولش عليكم هتقولوا عليا رغاية طبعا
انا قدامى عربيتين الاتنيين فى قنا جنبنا هروح اشوفهم يوم الجمعة ان شاء الله
انا هقول مواصفات الاتنيين وثقولولى انه افضل لانى انا معرفش


الاولى هوينداى اكسل 97
سيدان وماشية 15400 كيلو فبريكة من جوا منوال فيها تكييف وريموت وانذار وسنتروراديو كاست على 33000 الحقيقة معرفش سعة الموتور نسيت اساله بس رخصة العربية سارية لحد شهر اكتور اللى جاى


التانية نيسان صنى 94
1300 سى سى منوال فبريكا من جوا رشة من بره نضافة وفيها طبعا راديو كاست وفيها مكيف شغال
وجنوط معروضة على 28500 وقالى هاتى اى مكانيكى ويكشف عليها بره وجوا معندوش مشكلة ووعدنى انه ممكن ينزل فى السعر شوية والرخصة سارية لحد اخر الشهر ده بس الفحص لحد 2014
انا مش عارفة انه احسن افتونى