رد: ضروري جدا ياريت حد يرد عليا
حصل معايا نفس المشكله من فتره
وسبب القطع بيكون حاجه من الاتنين اما ان الكاوتش يحك ف الكوعه في الملفات مثلا فمع الوقت بتبوظ .. او من ناحية الكوبلن .. والسبب ف الحالتين يرجع الى عدم تثبيت تلك الكوعه بشكل جيد بعيد عن الاحتكاك بكاوتش العربيه او الكوبلن
والحل ..
اما تغييير الكوعه واستبدالها باختها استيراااااد ونركبها باحكااااااااااام
أو نجيب خرطوم بلدي نفس التخانه ونركبه مكانها باحكاااام وانا لا انصح بهذا الاسلوب لان الاصليه بتكون متفصله عليها فبتاخد وضعها الطبيعي وعدلتها الطبيعيه من غير ضغط وتدوير يقصر عمر الخرطوم ويعرض لتكرار نفس المشكله مستقبلا
والحل الثالث وهو حل عملي وبسيط .. انا القطع عندي كان في العِدل ناحية الكاوتش .. فخلعت الكوعه خالص وقطعتها نصين من عند الحته البايظه بالضبط فبقت وصليتين
ودخلت ماسوره بلاستيك قصيره من عند السباك في الكوعه
ولبست الحتيتين كويس وبإحكام
وربطت بابزيم مشرشر وركبت
ورجعت فله شمعه منوره
|