طيب لى سؤال لماذا بعت اللوجان ,وبهذه الأجابة يبقى انت بتدور على شىء فيه عكس ماكان موجود فى اللوجان --بعد ما حضرتك تحدد ماهو الشىء المختلف او الجديد الذى تبحث عنه فى السيارات الأخرى وملقتوش فى اللوجان تقوم بعمل مقارنة بين الأنواع الأخرى التى هى فى نفس الفئة السعرية المقاربة للوجان .
ثم تقوم بزيارة المواضيع الخاصة باالبى وى دى ثم الأسبرانزا 516 ولو فى امكانية ال اف اس فى ثم الليفان 620 ثم الجاك 15بى كلاس او الفيرنا ---يعنى بتقدر تعدى على كل هذه السيارات وتخرج بأنسبهم إليك وربنا يوفقك لما فيه الخير ومتنساش شىء مهم جداً وهو اننى لو سألتك من سنة عن السيارة اللوجان كنت هتقول إنها احسن سيارة فى السوق (على رأى المثل القرد فى عين امه غزال ) يعنى لو حضرتك سألتنى دلوقت قول لك ان الجاك احسن سيارة فى السوق ليه لأنها عربيتى ,يبقى كده حضرتك بتكون عقيدة على اراء لها اهواء شخصية وليست موضوعية ,ولكن الموضوعية تبنى على السير الذاتية لكل من استعمل عربيته ووجد شىء يقلقه او حدثت له تجربة ما مع سيارته او هناك شكوى ما وهى متكررة من نفس المالكين لنفس نوع السيارة ...الخ من هنا تكون فكرة وقاعدة بيانات تكون مبنية على اطر سليمة وعملية وليست على اهواء وامزجة ---والله الموفق
