السلام عليكم
امبارح اشتريت كربراتير جديد مكتوب عليه انه made in russia بس طبعا انا شاكك فى ده .. المهم مش هو ده الموضوع
وديته للميكانيكى وكنت طاير من الفرحه اخيرا المعاناه حتنتهى لقيته بيقولى ان الكرابرتير ده مختلف عن اللى عندى
طبعا انا كان حيغم عليا ( يارب هو انا مكتوب عليا القرف ده كل يوم )
سألته يا عم ازاى ده مكتوب عليه انه بتاعها قاللى : لآ ده بتاع نيفا اصل قطع غيار النيفا ارخص
المهم رجعت للمحل بتاع قطع الغيار لقيته بيقوللى : لآ هو ده بتاعها خليتهم يكلموا بعض على الموبايل وفى الاخر الواد بتاع محل قطع الغيار قاللى الميكانيكى ده حمار
روح لواحد تانى
السؤال هو ازاى الاختلاف يجى فى القاعده وفى مشترك الكهرباء و فتحات الهوا
حد يرد علي والنبى احسن انا كرهت نفسى والعربيه كل شويه تبطل منى