المشاركة الأصلية كتبت بواسطة madasaid75
انا باحترم كل الاراء اللى موجوده وخصوصا اللى معارض فكره الميجان من اساسها ( وانها سياره فاشله ) بس السؤال شركه رينو الفرنسيه العريقه نزلت الموديل ده ( الميجان ) بكل العيوب دى اللى اتقال فيها ما قال مالك فى الخمر ومش فارقه معاها تخسر سمعتها فى السوق وخصوصا الاوربى وانت عارفين المنافسه فى اوربا ازاى - يعنى الشركه لحد النهارده مش عارفه عيوب سيارتها والا الناس بره مش بتشتكى من السياره وعجباهم ( بهايم يعنى ومش بيفهمو زى المصريين ) احنا بس اللى فى مصر اكتشفنا كل العيوب دى - مع ان السياره واخده جوايز كتير قوى فى االتصنيع والفنيات بره - اكيد لو العيوب موجوده فعلا كانت فضيحه للشركه لا تغتفر وسمعتها نزلت الارض وفلست وكان اكتب عن العيوب ومشاكل السياره ونزلت فى النت - لان بره معندهمش كوسه ومجامله - والا العيب بقى فى السواقين المصريين مش فى العربيه نفسها - يعنى التكنولجى بتاع السياره عالى عليهم شويه - والله اعلم - شكرا -مستنى رد
|
العيوب اللى فى العربية لا تتعدى 1\4 العيوب اللى بتتقال عنها فى السوق
و السبب أن أحنا شعب بيسمع الكلام و ينقله من غير تفكير........و الكلام اللى بيتسمع بيبقى أصله غير صحيح.......يعنى سمعت مرة من واحد أن الكارت بتاع الميجان ب 35 ألف جنيه بينما تمنه لا يتعدى ال 2000 جنيه.......و البيه اللى نقل الكلام مكلفش نفسه يفكر فى صحة الخبر و نقله و خلاص.......معقولة مفتاح عربية ب 35 ألف جنيه ؟؟؟؟؟؟ طبعاً البيه صدق عشان هو كارت و ليس مفتاح بالمعنى المتعارف عليه........غير حاجات تانية كتير زى أنك لو غيرت البطارية العربية مترضاش تشتغل تانى إلا لما تروح التوكيل و أن العربية كل فترة تقف و ترفض أنها تشتغل غير برضه لما تروح التوكيل عشان يلموا الأتاوة.