رد: مميزات وعيوب السيارات الفيات 128 و127 والريتمو والريجاتا
اعزائى كلام جميل ما أقدرش أقول حاجة عنه
المفاضلة بين عربية وعربية
فيها نقطة غايبة عن حضراتكم
السواق
والمكان
والحالة
والرعاية
نفسر الكلام أول الكلام
ما فيش عربية احسن من عربية
ما فيش عربية أفضل من عربية
انما فية عربية حالتها وحشة وعربية حالتها حلوة
دى معادلة انا أؤمن بيها
العربية حالة ورعاية
يعنى ممكن تكون راكب مرسيدس بس بتحتضر وبتطلع فى الروح
وممكن تلاقى واحد راكب ريتمو او 27 او 28 وماشى زى الملك لان عربيته تمام فله
علشان كده تقييم العربية ومقارنات العربيات مش مجدية
المعادلة بتقول العربية حالة
يعنى مش مهم تكون 28
المهم حالتها مش مهم
تكون بى ام بليو المهم حالتها
ثانى حاجة فى المعادلة
الرعاية
لازم العربية صاحبها يراعيها باستمرار
ان شاء الله لو عنده عربية كارو لازم رعاية
راكب كيا - لانسر - سيات - فيات 1300
علشان كده من الصعب انك تفنذ عيوب عربية معينة
لان كل عربية وحالتها
ومش كل العربيات
نيجى بقى لموضوع العلب والكانز والعفش واللى زى منه
المكان
بص للمكان
العربية معمولة فى مصنعها ومتجربهة ومتضبطة تمشى فى شوارع طبيعية
تعيش معاك العمر كله
وما تفتحش
انما مش متضبطة علشان تنط زى القرود فى شوارع متاريس وحجارة ومطبات وحوارى زقاق المدق
العيب فى شوارعنا مش فى العربية
هات أغلى عربية وامشى بيها سنة او اثنين فى شوارع مصر المحروسة
وان شاء الله مش هتجيب عفشة بس
هتجيب عفشة وكبده وفشة وكلاوى وكل حاجة جواها
آخر حاجة السواق
احنا مش سواقين صح يا جماعة
ومعظم الناس حتى اللى راكب زلمكه او حتى راكب اغلى عربية فى مصر مع كل احترامى سواقتهم على قدمهم
ومش بيسوقوا صح والعربية بتعدم وتتعب من التعلمه
والبنى ادمين اللى بتسوق عافيه
فى النهاية العربية حالة ورعاية ومكان نظيف وسواق صح
ساعتها هتلاقى العربية ماشية معاك زى الساعة
ان شاء الله تكون راكب سندوتش او حتى بسكلته
والله أعلم
التعديل الأخير تم بواسطة الايطالى الصغير ; 20-05-2012 الساعة 09:29 PM
|